سۋرەت: اشىق دەرەككٶز
سەنات تٶراعاسى مەۋلەن ەشٸمباەۆ پالاتا وتىرىسىندا ماسس-مەديا تۋرالى زاڭدى قاراۋ بارىسىندا بالالارعا ارنالعان قازاقشا كونتەنت جاساۋشىلاردى جٷيەلٸ تٷردە قولداۋ قاجەتتٸگٸن ايتتى. ەشٸمباەۆ بۇل مەسەلەنٸ كەشە قازاق تٸلٸندە كونتەنت جاساپ جٷرگەن كرەاتيۆتٸ يندۋسترييا ٶكٸلدەرٸنٸڭ فورۋمىندا تالقىلاعانىن اتاپ ٶتتٸ, دەپ حابارلايدى "ۇلت اقپارات" قر سەناتىنىڭ باسپاسٶز قىزمەتٸنە سٸلتەمە جاساپ.
«كەشە كرەاتيۆتٸ يندۋسترييا ٶكٸلدەرٸنٸڭ فورۋمىنا قاتىستىق. سول جەردە قازاق تٸلٸندە بالالارعا ارنالعان كونتەنت جاساپ جٷرگەن ماماندار بٸراز پروبلەمانى كٶتەردٸ. ونىڭ ٸشٸندە قارجىلاندىرۋ, ماركەتينگ, اقپاراتتارعا قولجەتٸمدٸلٸكتٸ قامتاماسىز ەتۋ سيياقتى ٶزەكتٸ مەسەلەلەر بار. وسىعان بايلانىستى بٷگٸن قارالىپ جاتقان زاڭ اياسىندا بالالارعا ارناپ قازاقشا كونتەنتتەر جاسايتىن جاستاردى, ۇجىمداردى قولداۋ تەتٸكتەرٸن دە نازارعا الۋىمىز كەرەك. مەملەكەت تاراپىنان كٶرسەتٸلەتٸن مۇنداي قولداۋ بٸر رەتتٸك ەمەس, جٷيەلٸ تٷردە بولۋعا تيٸس. سەنات الداعى ۋاقىتتا وسى باعىتتا مٷددەلٸ تاراپتارمەن تيٸستٸ جۇمىستى جالعاستىرادى», – دەدٸ سەنات سپيكەرٸ.
ايتا كەتەيٸك, بٷگٸن پالاتا وتىرىسىندا سەناتورلار «ماسس-مەديا تۋرالى» زاڭدى جەنە وعان ٸلەسپە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ماسس-مەديا مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى», «قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ماسس-مەديا مەسەلەلەرٸ بويىنشا ٶزگەرٸستەر ەنگٸزۋ تۋرالى» زاڭداردى قاراپ, ماقۇلدادى.
.jpg)
