Almatydaǵy Ortalyq stadionda ótken «Qairat» – «Ordabasy» fýtbol matchy kezinde alańǵa saiasi partiianyń týyn kóterip júgirip shyqqan kórermen ustaldy, dep habarlaidy ult.kz.
Politsiianyń málimetinshe, jankúierdiń áreketi qoǵamdyq tártip pen sporttyq is-shara kezinde qaýipsizdik talaptaryn buzǵan.
– Politsiia qyzmetkerleri stadion kúzetshilerimen birlesip, quqyqbuzýshyny birden toqtatty. Ol oqiǵa ornynda ustalyp, Bostandyq aýdandyq politsiia basqarmasyna jetkizildi, – dep habarlady Almaty qalalyq politsiia departamenti.
Atalǵan derek boiynsha quqyqbuzýshyǵa Ákimshilik quqyq buzýshylyq týraly kodekstiń 434-baby («Usaq buzaqylyq») boiynsha ákimshilik is qozǵaldy. Materialdar sottyń qaraýyna joldandy.
Politsiia qoǵamdyq tártipti buzýǵa baǵyttalǵan kez kelgen áreketke zań aiasynda shara qoldanylatynyn eske salyp, sporttyq is-sharalardy ruqsat etilmegen aktsiialar ótkizý alańyna ainaldyrýǵa jol berilmeitinin málimdedi.
Aita keteiik, kezdesý 2:1 esebimen «Qairattyń» jeńisimen aiaqtaldy. Bul nátijeden keiin almatylyq klýb týrnirlik jaǵdaiyn jaqsartyp, «Ordabasy» kóshbasshylyq ornynan aiyryldy.
