Astana qalasyndaǵy №2 Esil aýdandyq sotynda Seiitqazy jáne Áset Mataevtardyń isi boiynsha sot otyrysy odan ári jalǵasýda. Búgin ótken taraptardyń pikir saiysynda prokýror Erjan Quraqbaev Seiitqazy Mataevty jeke múlkin kámpeskeleýmen jáne ómir boiy kásipkerlik qyzmetpen ainalysýǵa tyiym salýmen qosa 6 jyl 8 aiǵa bas bostandyǵynan aiyrýdy surady. Sonymen qatar, Áset Mataevty kináli dep taýyp, jeke múlkin kámpeskeleýmen qosa 6 jylǵa bas bostandyǵynan aiyrýdy surady.
Prokýror sot tergeýi nátijesinde taǵylǵan aiyptar boiynsha Seiitqazy jáne Áset Mataevtardyń kinási tolyq kólemde anyqtalǵanyn jáne sotqa usynylǵan aiyptaýlardyń negizinde dáleldengenin aitty. «Osyǵan orai, Mataev Seiitqazynyń qylmystyq áreketterin Qylmystyq kodekstiń 190-shy babynyń 4-shi tarmaǵynyń 2-shi tarmaqshasy boiynsha, iaǵni alaiaqtyq – aldyn-ala bir top adamdarmen sóz bailasyp, aldaý men senimdi teris maqsatqa paidalaný jolymen bótenniń múlkin urlady, óziniń qyzmet babyn paidalanyp, birneshe ret memlekettik satyp alý salasynan iri kólemdegi aqsha urlady jáne Qylmystyq kodekstiń 245-inshi babynyń 3-inshi tarmaǵy boiynsha, iaǵni asa iri kólemdegi deklaratsiia tapsyrý mindetti bolǵan jaǵdaida deklaratsiia tapsyrmaý jolymen biýdjetke salyq tóleýden jaltardy dep túpkilikti belgileý kerek»,- dedi sotta Erjan Quraqbaev.
Memlekettik aiyptaýshy Seiitqazy Mataevqa qatysty aiyptaýshy taraptyń eshqandai jazasyn jeńildetetin jaǵdaidyń (mundai jaǵdai Qylmystyq kodekstiń 53-inshi baby boiynsha qarastyrylǵan) joqtyǵyn aitty. «Joǵaryda aitylǵandardyń negizinde, Qylmystyq kodekstiń 58-inshi babynyń 3-inshi tarmaǵy boiynsha Mataev Seiitqazy Beisenǵazyulyna jeke múlkin kámpeskeleýmen jáne ómir boiy kásipkerlik qyzmetpen ainalysýǵa tyiym salýmen qosa 6 jyl 8 aiǵa bas bostandyǵynan aiyrý jazasyn taǵaiyndaýdy suraimyn. Jazasyn jalpy tártiptegi eńbekpen túzeý koloniiasynda ótesin»,- dep sózin jalǵady prokýror.
Aita keterligi, memlekettik aiyptaýshy Seiitqazy Mataevtyń uly – Áset Mataevty da Qylmystyq kodekstiń 190-shy babynyń 4-shi tarmaǵynyń 2-shi tarmaqshasy boiynsha (alaiaqtyq – aldyn-ala bir top adamdarmen sóz bailasyp, aldaý men senimdi teris maqsatqa paidalaný jolymen bótenniń múlkin urlaý, óziniń qyzmet babyn paidalanyp, birneshe ret memlekettik satyp alý salasynan iri kólemdegi aqsha urlaý) kináli dep taýyp, múlkin kámpeskeleýmen jáne ómir boiy kásipkerlik qyzmetpen ainalysýǵa tyiym salýmen qosa 6 jylǵa bas bostandyǵynan aiyrý jazasyn taǵaiyndaýdy surady. Oǵan da jazasyn jalpy tártiptegi eńbekpen túzeý koloniiasynda óteý suraldy.
Erjan Quraqbaev óz sózinde sottan Seiitqazy jáne Áset Mataevtardan biýdjetke tólenbegen salyq túrindegi 216 952 683 teńgeni óndirip alý jónindegi prokýrordyń shaǵymyn, sondai-aq «Qazaqtelekom» AQ-nyń 143 960 753 teńgesin jáne Bailanys, aqparattandyrý jáne aqparat komitetiniń 169 000 000 teńgesin óndirip berý týraly shaǵymdyq talaptaryn tolyq kólemde qanaǵattandyrýdy usyndy. Aita ketelik, Seiitqazy jáne Áset Mataevtarǵa asa iri kólemdegi biýdjet qarajatyn urlady, salyq tóleýden jaltardy degen aiyptar taǵyldy. Sotqa deiingi tergeý nusqasy boiynsha, barlyq qylmystyq áreketterdi qosa eseptegende memleketke 529 mln. teńgeden astam ziian kelgen.
Ámirlan Álimjan.
