Saraishyq aýylyndaǵy kóne qalanyń ornynan Qasym hannyń saraiy tabylýy ábden múmkin. Bul – osy baǵytta qazba jumystaryn bastaǵan arheolog mamandardyń pikiri. Bul týraly "Atyraý gazeti" habarlady.
Solardyń biri Marat Qasenov taiaýda Máskeý qalasynan kóne shahar engizilgen «qupiia» karta tabylǵanyn aitady. Qundy jádiger 18 ǵasyrǵa tiesili eken.
– Bul karta arqyly tyń málimetter qolymyzǵa tiip otyr. Bir kezderi Uly Jibek jolynyń boiynan oryn tepken tarihi meken aýmaǵy ýaqyt ótken saiyn kishireiip keledi. Onyń kóp bóligi sý astynda qalyp, tek 20 paiyzy ǵana saqtalyp otyr. Buǵan eski úiindilerdi lezde shaiyp áketetin Oral ózeni sep bolýda. Qaita biyl jaǵajaidy bekitý jumysy qolǵa alyndy, – deidi ol.
Budan bólek, jylytýǵa arnalǵan pesh te tabylǵan. Sol siiaqty, HVIII ǵasyrdaǵy tiyndar jáne kúmis, boitumar, súiek pen qyshtan jasalǵan buiymdar bar. Atyraý tarihi-ólketaný murajaiynyń direktory Rashida Haripovanyń aitýynsha, sońǵy ret bul jerde qazba jumystary on jyl buryn júrgizilgen. Ol kelesi jyly da jalǵasyn tabady.
Qalai desek te, talai syrdy ishine búkken Saraishyq búginde «Qazaqstannyń kieli jerleriniń geografiiasyna» engizilip otyr. Bul – jergilikti turǵyndar úshin úlken maqtanysh.
