Aýa raiynyń salqyndyǵyna, politsiianyń eskertýine qaramastan, 23 qańtarda Máskeýdegi Pýshkin alańynda ondaǵan myń adam jinalyp, oppozitsiialyq saiasatker Aleksei Navalnyidy bosatýdy talap etti. Politsiia jinalǵandardy rezeńke shoqparmen uryp, kúsh qoldanyp, taratýǵa tyrysty.
Reuters agenttiginiń esepteýinshe, Máskeýdegi narazylyq sharasyna 40 myńǵa jýyq adam qatysqan. Resei ishki ister ministrligi el astanasyndaǵy jiynǵa 4 myń kisi keldi degen aqpar taratty.
Jýrnalister búgingi jiyndy 2017 jyldan bergi eń iri narazylyq aktsiiasy dep atady.
AFP agenttiginiń habarlaýynsha, Máskeýdegi jiynda politsiia men demonstranttar arasynda qaqtyǵys bolyp, tártip saqshylary kúsh qoldanǵan. Politsiia jasaǵy alańdaǵy adamdardy ustaý kezinde de kúsh qoldanyp jatyr. "OFD-info" tobynyń esepteýi boiynsha, búkil Resei aýmaǵynda ustalǵandar sany 1100 adamǵa jetti. Bul san áli de ósip jatyr.
Politsiia ustap áketkender arasynda Navalnyidyń áieli Iýliia Navalnaia men "Jemqorlyqpen kúres" qorynyń zańgeri Liýbov Sobol bar. Sobol Pýshkin alańynda Navalnyi jaqtastary aldynda sóz sóilep jatqan kezinde ustaldy. Osy oqiǵadan soń jinalǵan jurt "Liýba! Liýba!" dep aiqailai bastady.
- 23 qańtarda oppozitsiiashyl saiasatker Aleksei Navalnyidyń jaqtastary ony qoldaý úshin jalpyulttyq qarsylyq aktsiiasyn uiymdastyryp jatyr. Eldiń túkpir-túkpirinde myńdaǵan adam qatysqan mitingiler ótip, júzdegen adam ustaldy.
- "Novichok" ýymen ýlanyp, aýrýhanaǵa túsken Aleksei Navalnyi Germaniiada emdelip, 17 qańtarda Reseige kelgen bette Máskeý áýejaiynda ustalǵan.
- Qiyr Shyǵys pen Sibirde myńdaǵan adam qatysqan jiyndar. Máskeýdiń Pýshkin alańynda, Sankt-Peterbýrgtyń Senat alańynda jiyn áli jalǵasyp jatyr. Politsiia jiyn bastalmai jatyp belsendilerdi ustai bastaǵan.
