Ǵalymdar Máskeýdegi qazba jumystary kezinde tabylǵan XVI ǵasyrǵa tiesili parsylyq qola tostaǵannyń bólshekterindegi óleń joldarynyń avtoryn anyqtady.
Ol XVI ǵasyrda ómir súrgen parsy aqyny Hafiz Shirazige tiesili bolyp shyqty, dep habarlandy seisenbi kúni Máskeý meri jáne úkimetiniń portalynda.
Óleń joldary arheologtar tapqan tostaǵannyń ústińgi jaǵynda ornalasqan jáne sándik órnekterdi eske salady.
Jazbany Shyǵys mýzeiiniń mamandary oqyp, orys tiline aýdardy.
Arheologtar kóne tostaǵannyń bólshekterin 2016 jyldyń jazynda «Moia ýlitsa» baǵlarlamasynyń aiasynda Birja alańynda jasalǵan qazba jumystary kezinde tapqan.
Hafiz shyǵarmalary álem ádebietinde tanymaldylyqqa ie jáne kóptegen tilderge, solardyń qatarynda orys tiline aýdarylǵan jáne onyń ózi túrli parsy bileýshileri tusynda sarai aqyny qyzmetin atqarǵan.
Tostaǵandy qalpyna keltirý jumystary jyl sońyna deiin jalǵasady, odan keiin «Moia ýlitsa» baǵdarlamasy aiasynda tabylǵan jádigerler qatarynda engiziledi.
