Máskeýdiń ońtústigindegi mektepte oqýshy bala dene shynyqtyrý sabaǵy kezinde kóz jumdy, dep habarlaidy TASS agentigi.
Juma kúni Tergeý komitetiniń Máskeýdegi bas tergeý basqarmasynyń ókili Iýliia Ivanovanyń aitýynsha, bul fakti boiynsha tekseris bastaldy.
«Aldyn ala málimetke sáikes, 6 qarashada Máskeýdiń ońtústik ákimshilik okrýgindegi mekteptiń birinde oqýshy sabaq kezinde ózin nashar sezinip, keiin qaitys boldy», – dedi ol.
Qazir oqiǵa ornynda tergeýshiler jumys isteýde, oqiǵanyń mán-jaiy anyqtalýda.
«Oqý orny qyzmetkerleriniń ishinen laýazymdy tulǵalardan jaýap alynady. Tekserý nátijeleri boiynsha protsessýaldyq sheshim qabyldanady», – dedi Iýliia Ivanova.
Quqyq qorǵaý organyndaǵy derekkózdiń naqtylaýynsha, qaiǵyly oqiǵa dene shynyqtyrý sabaǵynda boldy.
