Máskeýdegi «Sovremennik» drama teatrynyń sahnasynda qazaq aqyny Fariza Ońǵarsynovaǵa arnalǵan «Fariza» qoiylymynyń tusaýy kesildi, dep habarlaidy "Ult aqparat".
Spektakldiń prodiýseri jáne ideia avtory Ainur Kópbasarovanyń aitýynsha, spektakldi qoiý týraly ideia alǵash ret 2016 jyly týǵan.
«Bul kúnge uzaq ýaqyt boiy daiyndaldyq. Osy úsh jyl ishinde kóptegen adamdardyń eńbegin bir arnaǵa toǵystyra aldyq. Mýzykasyn kompozitor Renat Gaisin shyǵardy, dramatýrg retinde Roza Muqanova óner kórsetti. Al, Farhat Moldaǵaliev pen Shara Aidarova rejisser boldy», - dedi ol.
«Fariza Ońǵarsynova eń ashyq adami tolǵanystardy poeziia arqyly jetkize aldy. Ol ómirimizdegi barlyq salany qamtydy. Bizdiń spektakl filosofiialyq baǵytqa negizdelgen. Bul – portrettik qoiylym emes, onyń jan dúniesin berýge tyrystyq. Ol shyǵarmashylyǵy arqyly kórsetkisi kelgen dúnielerdi somdadyq. Árine, spektaklde onyń týyndylarynan úzindiler keltirildi», - dedi A.Kópbasarova.
Tusaýkeser sharada Qazaqstannyń Reseidegi Tótenshe jáne Ókiletti Elshisi Imanǵali Tasmaǵambetov qoiylymnyń avtory men qatysýshylarǵa jasaǵan jumystary úshin jáne Qazaqstan aqynynyń shyǵarmashylyǵyna iltipattary úshin alǵys aitty.
«Ol óte myqty jáne ózgeshe tulǵa edi. «Fariza» qoiylymynda halyq aqynynyń barlyq kópqyrlylyǵy kórsetildi. Bul, Qazaqstan men Resei halyqtary arasyndaǵy dostyqty nyǵaityp, rýhani turǵydan jaqyndastyrýǵa jasalǵan taǵy bir qadam ekenine senimdimin», - dedi Elshi.
Spektakl rejisseri Shara Aidarova atap ótkendei, aqiyq aqynnyń 80 jyldyq mereitoiyna arnalǵan týyndy alǵash ret Almatyda M.Áýezov teatrynyń sahnasynda kórsetildi. Almatylyq ártister spektakldi qazaq tilinde qoidy. Resei kórermenderi úshin aýdioqurylǵy arqyly sinhrondy aýdarma jasaldy.
Uiymdastyrýshylardyń aitýynsha, endigide «Fariza» 15-16 qarasha kúnderi Nur-Sultan kórermenderi úshin «Jastar» teatrynyń sahnasynda kórsetiledi.
