مەسكەۋدەگٸ «سوۆرەمەننيك» دراما تەاترىنىڭ ساحناسىندا قازاق اقىنى فاريزا وڭعارسىنوۆاعا ارنالعان «فاريزا» قويىلىمىنىڭ تۇساۋى كەسٸلدٸ, دەپ حابارلايدى "ۇلت اقپارات".
سپەكتاكلدٸڭ پروديۋسەرٸ جەنە يدەيا اۆتورى اينۇر كٶپباساروۆانىڭ ايتۋىنشا, سپەكتاكلدٸ قويۋ تۋرالى يدەيا العاش رەت 2016 جىلى تۋعان.
«بۇل كٷنگە ۇزاق ۋاقىت بويى دايىندالدىق. وسى ٷش جىل ٸشٸندە كٶپتەگەن ادامداردىڭ ەڭبەگٸن بٸر ارناعا توعىستىرا الدىق. مۋزىكاسىن كومپوزيتور رەنات گايسين شىعاردى, دراماتۋرگ رەتٸندە روزا مۇقانوۆا ٶنەر كٶرسەتتٸ. ال, فارحات مولداعاليەۆ پەن شارا ايداروۆا رەجيسسەر بولدى», - دەدٸ ول.
«فاريزا وڭعارسىنوۆا ەڭ اشىق ادامي تولعانىستاردى پوەزييا ارقىلى جەتكٸزە الدى. ول ٶمٸرٸمٸزدەگٸ بارلىق سالانى قامتىدى. بٸزدٸڭ سپەكتاكل فيلوسوفييالىق باعىتقا نەگٸزدەلگەن. بۇل – پورترەتتٸك قويىلىم ەمەس, ونىڭ جان دٷنيەسٸن بەرۋگە تىرىستىق. ول شىعارماشىلىعى ارقىلى كٶرسەتكٸسٸ كەلگەن دٷنيەلەردٸ سومدادىق. ەرينە, سپەكتاكلدە ونىڭ تۋىندىلارىنان ٷزٸندٸلەر كەلتٸرٸلدٸ», - دەدٸ ا.كٶپباساروۆا.
تۇساۋكەسەر شارادا قازاقستاننىڭ رەسەيدەگٸ تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆ قويىلىمنىڭ اۆتورى مەن قاتىسۋشىلارعا جاساعان جۇمىستارى ٷشٸن جەنە قازاقستان اقىنىنىڭ شىعارماشىلىعىنا ٸلتيپاتتارى ٷشٸن العىس ايتتى.
«ول ٶتە مىقتى جەنە ٶزگەشە تۇلعا ەدٸ. «فاريزا» قويىلىمىندا حالىق اقىنىنىڭ بارلىق كٶپقىرلىلىعى كٶرسەتٸلدٸ. بۇل, قازاقستان مەن رەسەي حالىقتارى اراسىنداعى دوستىقتى نىعايتىپ, رۋحاني تۇرعىدان جاقىنداستىرۋعا جاسالعان تاعى بٸر قادام ەكەنٸنە سەنٸمدٸمٸن», - دەدٸ ەلشٸ.
سپەكتاكل رەجيسسەرٸ شارا ايداروۆا اتاپ ٶتكەندەي, اقيىق اقىننىڭ 80 جىلدىق مەرەيتويىنا ارنالعان تۋىندى العاش رەت الماتىدا م.ەۋەزوۆ تەاترىنىڭ ساحناسىندا كٶرسەتٸلدٸ. الماتىلىق ەرتٸستەر سپەكتاكلدٸ قازاق تٸلٸندە قويدى. رەسەي كٶرەرمەندەرٸ ٷشٸن اۋديوقۇرىلعى ارقىلى سينحروندى اۋدارما جاسالدى.
ۇيىمداستىرۋشىلاردىڭ ايتۋىنشا, ەندٸگٸدە «فاريزا» 15-16 قاراشا كٷندەرٸ نۇر-سۇلتان كٶرەرمەندەرٸ ٷشٸن «جاستار» تەاترىنىڭ ساحناسىندا كٶرسەتٸلەدٸ.
