Kommýnarkadaǵy meditsinalyq ortalyqta sońǵy bir táýlikte eki adam qaitys boldy, dep málim etti aýrýhanynyń bas dárigeri Denis Protsenko óziniń Facebook paraqshasynda. Bul týraly TASS agenttigi habarlady.
«Sońǵy kúnde bizde eki adam qaitys boldy. 80 jastaǵy bir naýqasqa koronavirýs, pnevmoniia, gamatýriia diagnozy qoiyldy. Patsient tórt kún boiy jasandy tynys alý apparatynda boldy», - dep jazdy ol.
Protsenko qaitys bolǵan ekinshi patsienttiń 69 jasta ekenin atap ótti. Naýqasqa sozylmaly diabet diagnozy qoiylǵan. Ol úsh táýlik boiy jasandy tynys alý apparatynda bolǵan.
Qazirgi ýaqytta Kommýnarkada 348 adam em qabyldap jatyr.
Koronavirýs aýrýynyń órshýi 2019 jyldyń jeltoqsan aiynda Ortalyq Qytaida bastalǵan. Keiinnen 160 elge taraldy. DDSU ony pandemiia dep atady.
Sońǵy derekter boiynsha álem boiynsha 630 myńnan astam adam virýs juqtyrǵan, 30 myńnan astamy qaitys bolǵan. Reseide koronavirýs juqtyrýdyń 1534 jaǵdaiy tirkelgen, segizi kóz jumǵan.
