كوممۋناركاداعى مەديتسينالىق ورتالىقتا سوڭعى بٸر تەۋلٸكتە ەكٸ ادام قايتىس بولدى, دەپ مەلٸم ەتتٸ اۋرۋحانىنىڭ باس دەرٸگەرٸ دەنيس پروتسەنكو ٶزٸنٸڭ Facebook پاراقشاسىندا. بۇل تۋرالى تاسس اگەنتتٸگٸ حابارلادى.
«سوڭعى كٷندە بٸزدە ەكٸ ادام قايتىس بولدى. 80 جاستاعى بٸر ناۋقاسقا كوروناۆيرۋس, پنەۆمونييا, گاماتۋرييا دياگنوزى قويىلدى. پاتسيەنت تٶرت كٷن بويى جاساندى تىنىس الۋ اپپاراتىندا بولدى», - دەپ جازدى ول.
پروتسەنكو قايتىس بولعان ەكٸنشٸ پاتسيەنتتٸڭ 69 جاستا ەكەنٸن اتاپ ٶتتٸ. ناۋقاسقا سوزىلمالى ديابەت دياگنوزى قويىلعان. ول ٷش تەۋلٸك بويى جاساندى تىنىس الۋ اپپاراتىندا بولعان.
قازٸرگٸ ۋاقىتتا كوممۋناركادا 348 ادام ەم قابىلداپ جاتىر.
كوروناۆيرۋس اۋرۋىنىڭ ٶرشۋٸ 2019 جىلدىڭ جەلتوقسان ايىندا ورتالىق قىتايدا باستالعان. كەيٸننەن 160 ەلگە تارالدى. ددسۇ ونى پاندەمييا دەپ اتادى.
سوڭعى دەرەكتەر بويىنشا ەلەم بويىنشا 630 مىڭنان استام ادام ۆيرۋس جۇقتىرعان, 30 مىڭنان استامى قايتىس بولعان. رەسەيدە كوروناۆيرۋس جۇقتىرۋدىڭ 1534 جاعدايى تٸركەلگەن, سەگٸزٸ كٶز جۇمعان.
