Meditsinalyq saqtandyrý qory COVID-19 jáne pnevmoniiaǵa shaldyqqan naýqastar úshin 842 myń tósek-oryndy qarjylandyrdy. Bul jóninde qordyń baspasóz qyzmetine silteme jasap "Ult aqparat" habarlaidy.
Áleýmettik meditsinalyq saqtandyrý qory koronavirýs pen pnevmoniiaǵa shaldyqqan naýqastardy emdeý úshin naýryz-maýsym aralyǵynda elimizdiń statsionarlaryna 842 myń tósek-kúnge 8,6 mlrd teńge tóledi.
Aita ketý kerek, naýryz aiymen salystyrǵanda maýsymda tósek-kúnniń jalpy sany - 8 esege, juqpaly aýrýlarǵa – 26 esege artty. Osy kezeńde karantin statsionarlaryna 327 myń tósek-kún, juqpaly aýrýlar úshin 270 myń tósek-kúnge qarjy tólendi.
Maýsym aiynda naýryz aiymen salystyrǵanda proviziialyq statsionarlarda tósek-kún sany aitarlyqtai ósti: naýryz aiynda 21 myńnan maýsym aiynda 100 myń tósek-kúnge deiin.
Tósek-kúnge patsienttiń statsionarda orny, aýrýdyń diagnostikasy men emi kiredi.
Qazir densaýlyq saqtaý júiesinde tósek qoryn ulǵaitý qajet. Qazaqstandyqtarǵa meditsinalyq kómek kórsetý sapasyn jaqsartý úshin Qor shilde aiynda meditsinalyq uiymdarǵa tarifti kóterdi .
Endi qor provizorlyq statsionarǵa 1 tósek-kún úshin 21,9 myńnan astam teńge tóleidi; táýlik boiy statsionarǵa – 32,2 myńnan astam teńge; naýqasty anesteziologiia, reanimatsiia jáne qarqyndy terapiia bólimshesinde emdeý úshin – 1 tósek-kún úshin 70 myń teńgege jýyq qarajat bóledi.
Meditsinalyq saqtandyrý qorynda atalǵan qyzmetterge tariftiń artýy qor jetkizýshileriniń sanyn kóbeitýge, koronavirýs pen pnevmoniiaǵa shaldyqqan naýqastardy emdeýge jeke aýrýhanalardy belsendi tartýǵa jáne statsionarlardaǵy meditsinalyq kómektiń sapasyn yntalandyrýǵa múmkindik beredi.
Áleýmettik meditsinalyq saqtandyrý qory 304 infektsiialyq/provizorlyq statsionarmen oryndaý/birlesip oryndaý sharttaryn jasasty.Osy jyldyń 30 maýsymynan tósek sany 28 796-dan 47 455-ke deiin artty, 18 659 tósek (64,7%) qosyldy. Tósek qorynyń 70% bos emes. Covid 19 emdeýge tartylǵan statsionarlardaǵy oryndarǵa kún saiyn monitoring júrgiziledi. Bul kórsetkish jergilikti atqarýshy organdardyń jumysynyń indikatory bolyp tabylady. Óńirdegi kereýet qorynyń 70 paiyzy bos emes, rezervten qosymsha kereýet ashý boiynsha sharalar qabyldanýda.
Sonymen qatar, №10 klinikalyq hattamaǵa, 2020 jylǵy 4 shildedegi №104 basylymǵa sáikes, aýrýdyń asimptomatikalyq jáne jeńil túri bar naýqastardy turǵylyqty jeri boiynsha aýmaqtyq emhanalardyń ýchaskelik dárigerleri baqylaidy.
Statsionarlyq emge Covid-19 shaldyqqan ortasha aýyr jáne aýyr jaǵdaidaǵy patsientter ǵana jatqyzylady.
Sondai-aq, ambýlatoriialyq deńgeide meditsinalyq kómekke qol jetkizý maqsatynda emhanalar janynda mobildi brigadalar quryldy, olar úide meditsinalyq qyzmetter keshenin kórsetedi ( dárigerdi qaraý, em taǵaiyndaý, retsept jazý, manipýliatsiialar júrgizý jáne t.b.). Sondai-aq, úide statsionarlyq qyzmet uiymdastyrý da qarastyrylǵan.
