مەديتسينالىق ساقتاندىرۋ قورى COVID-19 جەنە پنەۆمونيياعا شالدىققان ناۋقاستار ٷشٸن 842 مىڭ تٶسەك-ورىندى قارجىلاندىردى. بۇل جٶنٸندە قوردىڭ باسپاسٶز قىزمەتٸنە سٸلتەمە جاساپ "ۇلت اقپارات" حابارلايدى.
ەلەۋمەتتٸك مەديتسينالىق ساقتاندىرۋ قورى كوروناۆيرۋس پەن پنەۆمونيياعا شالدىققان ناۋقاستاردى ەمدەۋ ٷشٸن ناۋرىز-ماۋسىم ارالىعىندا ەلٸمٸزدٸڭ ستاتسيونارلارىنا 842 مىڭ تٶسەك-كٷنگە 8,6 ملرد تەڭگە تٶلەدٸ.
ايتا كەتۋ كەرەك, ناۋرىز ايىمەن سالىستىرعاندا ماۋسىمدا تٶسەك-كٷننٸڭ جالپى سانى - 8 ەسەگە, جۇقپالى اۋرۋلارعا – 26 ەسەگە ارتتى. وسى كەزەڭدە كارانتين ستاتسيونارلارىنا 327 مىڭ تٶسەك-كٷن, جۇقپالى اۋرۋلار ٷشٸن 270 مىڭ تٶسەك-كٷنگە قارجى تٶلەندٸ.
ماۋسىم ايىندا ناۋرىز ايىمەن سالىستىرعاندا پروۆيزييالىق ستاتسيونارلاردا تٶسەك-كٷن سانى ايتارلىقتاي ٶستٸ: ناۋرىز ايىندا 21 مىڭنان ماۋسىم ايىندا 100 مىڭ تٶسەك-كٷنگە دەيٸن.
تٶسەك-كٷنگە پاتسيەنتتٸڭ ستاتسيوناردا ورنى, اۋرۋدىڭ دياگنوستيكاسى مەن ەمٸ كٸرەدٸ.
قازٸر دەنساۋلىق ساقتاۋ جٷيەسٸندە تٶسەك قورىن ۇلعايتۋ قاجەت. قازاقستاندىقتارعا مەديتسينالىق كٶمەك كٶرسەتۋ ساپاسىن جاقسارتۋ ٷشٸن قور شٸلدە ايىندا مەديتسينالىق ۇيىمدارعا تاريفتٸ كٶتەردٸ .
ەندٸ قور پروۆيزورلىق ستاتسيونارعا 1 تٶسەك-كٷن ٷشٸن 21,9 مىڭنان استام تەڭگە تٶلەيدٸ; تەۋلٸك بويى ستاتسيونارعا – 32,2 مىڭنان استام تەڭگە; ناۋقاستى انەستەزيولوگييا, رەانيماتسييا جەنە قارقىندى تەراپييا بٶلٸمشەسٸندە ەمدەۋ ٷشٸن – 1 تٶسەك-كٷن ٷشٸن 70 مىڭ تەڭگەگە جۋىق قاراجات بٶلەدٸ.
مەديتسينالىق ساقتاندىرۋ قورىندا اتالعان قىزمەتتەرگە تاريفتٸڭ ارتۋى قور جەتكٸزۋشٸلەرٸنٸڭ سانىن كٶبەيتۋگە, كوروناۆيرۋس پەن پنەۆمونيياعا شالدىققان ناۋقاستاردى ەمدەۋگە جەكە اۋرۋحانالاردى بەلسەندٸ تارتۋعا جەنە ستاتسيونارلارداعى مەديتسينالىق كٶمەكتٸڭ ساپاسىن ىنتالاندىرۋعا مٷمكٸندٸك بەرەدٸ.
ەلەۋمەتتٸك مەديتسينالىق ساقتاندىرۋ قورى 304 ينفەكتسييالىق/پروۆيزورلىق ستاتسيونارمەن ورىنداۋ/بٸرلەسٸپ ورىنداۋ شارتتارىن جاساستى.وسى جىلدىڭ 30 ماۋسىمىنان تٶسەك سانى 28 796-دان 47 455-كە دەيٸن ارتتى, 18 659 تٶسەك (64,7%) قوسىلدى. تٶسەك قورىنىڭ 70% بوس ەمەس. Covid 19 ەمدەۋگە تارتىلعان ستاتسيونارلارداعى ورىندارعا كٷن سايىن مونيتورينگ جٷرگٸزٸلەدٸ. بۇل كٶرسەتكٸش جەرگٸلٸكتٸ اتقارۋشى ورگانداردىڭ جۇمىسىنىڭ ينديكاتورى بولىپ تابىلادى. ٶڭٸردەگٸ كەرەۋەت قورىنىڭ 70 پايىزى بوس ەمەس, رەزەرۆتەن قوسىمشا كەرەۋەت اشۋ بويىنشا شارالار قابىلدانۋدا.
سونىمەن قاتار, №10 كلينيكالىق حاتتاماعا, 2020 جىلعى 4 شٸلدەدەگٸ №104 باسىلىمعا سەيكەس, اۋرۋدىڭ اسيمپتوماتيكالىق جەنە جەڭٸل تٷرٸ بار ناۋقاستاردى تۇرعىلىقتى جەرٸ بويىنشا اۋماقتىق ەمحانالاردىڭ ۋچاسكەلٸك دەرٸگەرلەرٸ باقىلايدى.
ستاتسيونارلىق ەمگە Covid-19 شالدىققان ورتاشا اۋىر جەنە اۋىر جاعدايداعى پاتسيەنتتەر عانا جاتقىزىلادى.
سونداي-اق, امبۋلاتورييالىق دەڭگەيدە مەديتسينالىق كٶمەككە قول جەتكٸزۋ ماقساتىندا ەمحانالار جانىندا موبيلدٸ بريگادالار قۇرىلدى, ولار ٷيدە مەديتسينالىق قىزمەتتەر كەشەنٸن كٶرسەتەدٸ ( دەرٸگەردٸ قاراۋ, ەم تاعايىنداۋ, رەتسەپت جازۋ, مانيپۋلياتسييالار جٷرگٸزۋ جەنە ت.ب.). سونداي-اق, ٷيدە ستاتسيونارلىق قىزمەت ۇيىمداستىرۋ دا قاراستىرىلعان.
