Foto: ashyq derekkóz
Qoǵam belsendisi, saiasattanýshy Toǵjan Qojaly marqum Erjan Babaqumarov týraly esteligin jariialady, dep habarlaidy Ult.kz.
«Men Erjan Babaqumarovpen 1996 jyldan beri aralasyp, dos boldym. Ol kezde bir-birimizge qolymyzdan kelgenshe kómek kórsetip, aqyldasyp júrdik. Ekeýmiz de óz kúshimizben kóterilgen adamdar edik. Erjan óte bilimdi, kásibi jáne júieniń ishki zańdylyqtaryn jaqsy biletin azamat bolatyn. Ondai kadrlarmen júie bulaisha "qoshtaspaýy" kerek edi», — dep jazdy ol.
Toǵjan Qojalynyń aitýynsha, Babaqumarovtyń qyzmetten shettetilýi ózine de túsiniksiz bolǵan.
«Men onyń mas kúiinde kólik aidap, on kúnge qamalatyndai jaǵdaiǵa túskenine senbeimin. Óte saq, eseppen júretin adam edi. 56 jasynda bireýmen tóbelesedi degenge de sený qiyn. Ol tym kóp nárseni biletin, Másimovpen uzaq jyl qyzmettes boldy, keibireýlerge qaýipti bolýy da múmkin edi. Uzaq jyldar boiy bilik júiesinde bolǵan soń, dushpandary az bolmaǵany anyq», — dep jazdy saiasattanýshy.
Sondai-aq ol Erjan Babaqumarovty elge adal qyzmet etken naǵyz memleketshil tulǵa dep atap ótti.
«Erjan — erekshe intellekt iesi, analitikalyq oilaýy myqty tulǵa edi. Onyń ómiri júieniń qataldyǵyn aiqyn kórsetip tur. Imany salamat bolsyn, dosym Babik. El úshin janyn salǵan azamat edi», — dedi Toǵjan Qojaly.
Aita keteiik, buryn Almaty qalasy ákiminiń orynbasary qyzmetin atqarǵan Erjan Babaqumarov kisi qolynan qaza tapty. Keiin oqiǵanyń jai-japsary belgili boldy.
