فوتو: اشىق دەرەككٶز
قوعام بەلسەندٸسٸ, ساياساتتانۋشى توعجان قوجالى مارقۇم ەرجان باباقۇماروۆ تۋرالى ەستەلٸگٸن جارييالادى, دەپ حابارلايدى Ult.kz.
«مەن ەرجان باباقۇماروۆپەن 1996 جىلدان بەرٸ ارالاسىپ, دوس بولدىم. ول كەزدە بٸر-بٸرٸمٸزگە قولىمىزدان كەلگەنشە كٶمەك كٶرسەتٸپ, اقىلداسىپ جٷردٸك. ەكەۋمٸز دە ٶز كٷشٸمٸزبەن كٶتەرٸلگەن ادامدار ەدٸك. ەرجان ٶتە بٸلٸمدٸ, كەسٸبي جەنە جٷيەنٸڭ ٸشكٸ زاڭدىلىقتارىن جاقسى بٸلەتٸن ازامات بولاتىن. ونداي كادرلارمەن جٷيە بۇلايشا "قوشتاسپاۋى" كەرەك ەدٸ», — دەپ جازدى ول.
توعجان قوجالىنىڭ ايتۋىنشا, باباقۇماروۆتىڭ قىزمەتتەن شەتتەتٸلۋٸ ٶزٸنە دە تٷسٸنٸكسٸز بولعان.
«مەن ونىڭ ماس كٷيٸندە كٶلٸك ايداپ, ون كٷنگە قامالاتىنداي جاعدايعا تٷسكەنٸنە سەنبەيمٸن. ٶتە ساق, ەسەپپەن جٷرەتٸن ادام ەدٸ. 56 جاسىندا بٸرەۋمەن تٶبەلەسەدٸ دەگەنگە دە سەنۋ قيىن. ول تىم كٶپ نەرسەنٸ بٸلەتٸن, مەسٸموۆپەن ۇزاق جىل قىزمەتتەس بولدى, كەيبٸرەۋلەرگە قاۋٸپتٸ بولۋى دا مٷمكٸن ەدٸ. ۇزاق جىلدار بويى بيلٸك جٷيەسٸندە بولعان سوڭ, دۇشپاندارى از بولماعانى انىق», — دەپ جازدى ساياساتتانۋشى.
سونداي-اق ول ەرجان باباقۇماروۆتى ەلگە ادال قىزمەت ەتكەن ناعىز مەملەكەتشٸل تۇلعا دەپ اتاپ ٶتتٸ.
«ەرجان — ەرەكشە ينتەللەكت يەسٸ, اناليتيكالىق ويلاۋى مىقتى تۇلعا ەدٸ. ونىڭ ٶمٸرٸ جٷيەنٸڭ قاتالدىعىن ايقىن كٶرسەتٸپ تۇر. يمانى سالامات بولسىن, دوسىم بابيك. ەل ٷشٸن جانىن سالعان ازامات ەدٸ», — دەدٸ توعجان قوجالى.
ايتا كەتەيٸك, بۇرىن الماتى قالاسى ەكٸمٸنٸڭ ورىنباسارى قىزمەتٸن اتقارعان ەرجان باباقۇماروۆ كٸسٸ قولىنان قازا تاپتى. كەيٸن وقيعانىڭ جاي-جاپسارى بەلگٸلٸ بولدى.
