Aqtóbe oblysynda qazaqstandyqtardyń ǵylymi-shyǵarmashylyq jáne zertteý daǵdylaryn qalyptastyrýǵa, tsifrlyq saýattylyqty arttyrýǵa, injenerlik-tehnikalyq oilaý qabiletin damytýǵa baǵyttalǵan birqatar partiialyq jobalar tabysty júzege asyrylýda. Oblys ortalyǵy men aýyldyq eldi mekenderde balalardy baǵdarlamalaý jáne robot tehnikasy negizderine úiretetin IT-klasstar ashylyp, sport alańdary qalpyna keltirilýde, erekshe qajettilikteri bar adamdarǵa barlyq qajetti infraqurylymdar jasalyp jatyr.
Mundai baǵany óńirge jumys sapary kezinde partiia tóraǵasynyń birinshi orynbasary Máýlen Áshimbaev berdi.
Atap aitqanda, Máýlen Áshimbaev Aqtóbe qalasyndaǵy №56 orta mekteptiń baǵdarlamalaý negizderine oqytatyn tsifrlyq kabinetterin qarap shyqty, jazǵy ýaqytta baǵdarlamalaý men robot tehnikasynyń tilin tereńdete úirenetin oqýshylarmen áńgimelesti. Balalar bilikti ustazdardyń basshylyǵymen 3D-úlgileý, arhitektýra, dizain, animatsiia, veb-saittardy jasaý baǵdarlamalaryn igeretin bolady. Jalpy, jobamen 8-16 jas aralyǵyndaǵy aqtóbelik myń bala qamtylmaq. Osynda mektep ashanalaryn modernizatsiialaý jobasy kórsetildi. Aqtóbede partiialyq joba aiasynda 5 IT-klass ashyldy, jyl sońyna deiin oblystaǵy taǵy 15 mektepte osyǵan uqsas kabinetter ashylady.
- Biz bilim ekonomikasy úshin mamandar daiarlaýymyz qajet. HHI ǵasyr múldem jańa talaptardy talap etedi. Qazirgi tańda ózekti bolyp otyrǵan mamandyqtardyń deni jýyrda joǵalyp ketýi múmkin. Kerisinshe, baǵdarlamashylarǵa úlken suranys bolady. Sondyqtan, partiia tsifrlyq ekonomika úshin mamandar daiarlaityn ortalyqtardy jer-jerde ashady. Ondaǵy oqýlardyń barlyǵy tegin bolady,-dedi Máýlen Áshimbaev.
Alǵa aýdanynyń Bestamaq aýylynda partiia tóraǵasynyń birinshi orynbasaryna sport alańy men aýyldyq kitaphananyń janynan uiymdastyrylǵan co-working formatyndaǵy «Bilimdi óristetý ortalyǵy» tanystyryldy. Munda jastar men kelýshilerdiń oqýǵa jáne bos ýaqyttaryn ótkizýge qolaily jaǵdailar jasalǵan, birlesip jáne jeke jumys isteitin oryndar, Wi-Fi, organikalyq tehnika, touchscreen teledidar, onlain oqýǵa QR-kodtar bar. Kitaphanalyq qorǵa 18 myńnan asa kitap kiredi, kelýshiler óńirdiń kieli jerlerimen tanysyp, tarihi-mádeni oryndardyń kartasyn kóre alady. Taǵy sondai úsh ortalyq jyl sońyna deiin ashylatyn bolady.
Sondai-aq, M.Áshimbaev Qazaqstan men TMD elderindegi jalǵyz jyl boiǵy «Kúnshýaq» inkliýzivti saýyqtyrý lagerin aralady. Nysan «Baqytty bala» óńirlik jobasy aiasynda «Aqbóbek» jazǵy lageriniń bazasynda júzege asyrylady. Munda jaz mezgilinde múgedektigi bar 650-ge jýyq bala demala alady.
Erekshe balalardyń ata-analary oblys ákimi Berdibek Saparbaevqa erekshe lager ashylǵany úshin alǵys aitty.
- Bizde bul baǵytta kóptegen josparlar bar. Biz balalarǵa erekshe nazar aýdaryp, olarǵa barlyq jaǵdai jasaý úshin «Baqytty bala» aktsiiasyn bastadyq. Múgedektigi bar balalarǵa arnalǵan alǵashqy balabaqsha ashyldy, biznestiń áleýmettik jaýapkershiligi aiasynda múgedek balalarǵa arnalǵan ońaltý ortalyǵy salynady. Bizdiń mindetimiz - erekshe qajettilikteri bar balalarǵa kómektesý. Bizdiń oblysta olardyń birneshe myńy bar, - dedi Berdibek Saparbaev.
Máýlen Áshimbaev óńir basshylyǵynyń Elbasy tapsyrmalaryn oryndaýda atqarǵan jumystaryna joǵary baǵa berdi.
- Aqtóbe oblysy partiianyń sońǵy Saiasi keńesinde maquldanǵan partiia jobalaryn óte jaqsy iske asyrýda. Biz óńirdiń kóptegen baǵyttar boiynsha tájiribesin jinaqtap, ony basqa aimaqtarǵa usynamyz. Tutastai alǵanda, biz halyqpen, jastarmen, aǵa býynmen qarym-qatynas jasai otyryp, partiialyq jobalarymyzdyń suranysqa ie ekendigin kórip otyrmyz. Olardy adamdar qoldaidy. Olar bizdiń halqymyzdyń igiligi úshin jumys isteidi. Barlyq jobalar úshin biz óńirde jaqsy jumys bastalǵanyn kóremiz, - dep atap ótti M.Áshimbaev.
