اقتٶبە وبلىسىندا قازاقستاندىقتاردىڭ عىلىمي-شىعارماشىلىق جەنە زەرتتەۋ داعدىلارىن قالىپتاستىرۋعا, تسيفرلىق ساۋاتتىلىقتى ارتتىرۋعا, ينجەنەرلٸك-تەحنيكالىق ويلاۋ قابٸلەتٸن دامىتۋعا باعىتتالعان بٸرقاتار پارتييالىق جوبالار تابىستى جٷزەگە اسىرىلۋدا. وبلىس ورتالىعى مەن اۋىلدىق ەلدٸ مەكەندەردە بالالاردى باعدارلامالاۋ جەنە روبوت تەحنيكاسى نەگٸزدەرٸنە ٷيرەتەتٸن ٸت-كلاسستار اشىلىپ, سپورت الاڭدارى قالپىنا كەلتٸرٸلۋدە, ەرەكشە قاجەتتٸلٸكتەرٸ بار ادامدارعا بارلىق قاجەتتٸ ينفراقۇرىلىمدار جاسالىپ جاتىر.
مۇنداي باعانى ٶڭٸرگە جۇمىس ساپارى كەزٸندە پارتييا تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ بەردٸ.
اتاپ ايتقاندا, مەۋلەن ەشٸمباەۆ اقتٶبە قالاسىنداعى №56 ورتا مەكتەپتٸڭ باعدارلامالاۋ نەگٸزدەرٸنە وقىتاتىن تسيفرلىق كابينەتتەرٸن قاراپ شىقتى, جازعى ۋاقىتتا باعدارلامالاۋ مەن روبوت تەحنيكاسىنىڭ تٸلٸن تەرەڭدەتە ٷيرەنەتٸن وقۋشىلارمەن ەڭگٸمەلەستٸ. بالالار بٸلٸكتٸ ۇستازداردىڭ باسشىلىعىمەن 3D-ٷلگٸلەۋ, ارحيتەكتۋرا, ديزاين, انيماتسييا, ۆەب-سايتتاردى جاساۋ باعدارلامالارىن يگەرەتٸن بولادى. جالپى, جوبامەن 8-16 جاس ارالىعىنداعى اقتٶبەلٸك مىڭ بالا قامتىلماق. وسىندا مەكتەپ اسحانالارىن مودەرنيزاتسييالاۋ جوباسى كٶرسەتٸلدٸ. اقتٶبەدە پارتييالىق جوبا اياسىندا 5 IT-كلاسس اشىلدى, جىل سوڭىنا دەيٸن وبلىستاعى تاعى 15 مەكتەپتە وسىعان ۇقساس كابينەتتەر اشىلادى.
- بٸز بٸلٸم ەكونوميكاسى ٷشٸن ماماندار دايارلاۋىمىز قاجەت. ححٸ عاسىر مٷلدەم جاڭا تالاپتاردى تالاپ ەتەدٸ. قازٸرگٸ تاڭدا ٶزەكتٸ بولىپ وتىرعان ماماندىقتاردىڭ دەنٸ جۋىردا جوعالىپ كەتۋٸ مٷمكٸن. كەرٸسٸنشە, باعدارلاماشىلارعا ٷلكەن سۇرانىس بولادى. سوندىقتان, پارتييا تسيفرلىق ەكونوميكا ٷشٸن ماماندار دايارلايتىن ورتالىقتاردى جەر-جەردە اشادى. ونداعى وقۋلاردىڭ بارلىعى تەگٸن بولادى,-دەدٸ مەۋلەن ەشٸمباەۆ.
العا اۋدانىنىڭ بەستاماق اۋىلىندا پارتييا تٶراعاسىنىڭ بٸرٸنشٸ ورىنباسارىنا سپورت الاڭى مەن اۋىلدىق كٸتاپحانانىڭ جانىنان ۇيىمداستىرىلعان co-working فورماتىنداعى «بٸلٸمدٸ ٶرٸستەتۋ ورتالىعى» تانىستىرىلدى. مۇندا جاستار مەن كەلۋشٸلەردٸڭ وقۋعا جەنە بوس ۋاقىتتارىن ٶتكٸزۋگە قولايلى جاعدايلار جاسالعان, بٸرلەسٸپ جەنە جەكە جۇمىس ٸستەيتٸن ورىندار, Wi-Fi, ورگانيكالىق تەحنيكا, touchscreen تەلەديدار, ونلاين وقۋعا QR-كودتار بار. كٸتاپحانالىق قورعا 18 مىڭنان اسا كٸتاپ كٸرەدٸ, كەلۋشٸلەر ٶڭٸردٸڭ كيەلٸ جەرلەرٸمەن تانىسىپ, تاريحي-مەدەني ورىنداردىڭ كارتاسىن كٶرە الادى. تاعى سونداي ٷش ورتالىق جىل سوڭىنا دەيٸن اشىلاتىن بولادى.
سونداي-اق, م.ەشٸمباەۆ قازاقستان مەن تمد ەلدەرٸندەگٸ جالعىز جىل بويعى «كٷنشۋاق» ينكليۋزيۆتٸ ساۋىقتىرۋ لاگەرٸن ارالادى. نىسان «باقىتتى بالا» ٶڭٸرلٸك جوباسى اياسىندا «اقبٶبەك» جازعى لاگەرٸنٸڭ بازاسىندا جٷزەگە اسىرىلادى. مۇندا جاز مەزگٸلٸندە مٷگەدەكتٸگٸ بار 650-گە جۋىق بالا دەمالا الادى.
ەرەكشە بالالاردىڭ اتا-انالارى وبلىس ەكٸمٸ بەردٸبەك ساپارباەۆقا ەرەكشە لاگەر اشىلعانى ٷشٸن العىس ايتتى.
- بٸزدە بۇل باعىتتا كٶپتەگەن جوسپارلار بار. بٸز بالالارعا ەرەكشە نازار اۋدارىپ, ولارعا بارلىق جاعداي جاساۋ ٷشٸن «باقىتتى بالا» اكتسيياسىن باستادىق. مٷگەدەكتٸگٸ بار بالالارعا ارنالعان العاشقى بالاباقشا اشىلدى, بيزنەستٸڭ ەلەۋمەتتٸك جاۋاپكەرشٸلٸگٸ اياسىندا مٷگەدەك بالالارعا ارنالعان وڭالتۋ ورتالىعى سالىنادى. بٸزدٸڭ مٸندەتٸمٸز - ەرەكشە قاجەتتٸلٸكتەرٸ بار بالالارعا كٶمەكتەسۋ. بٸزدٸڭ وبلىستا ولاردىڭ بٸرنەشە مىڭى بار, - دەدٸ بەردٸبەك ساپارباەۆ.
مەۋلەن ەشٸمباەۆ ٶڭٸر باسشىلىعىنىڭ ەلباسى تاپسىرمالارىن ورىنداۋدا اتقارعان جۇمىستارىنا جوعارى باعا بەردٸ.
- اقتٶبە وبلىسى پارتييانىڭ سوڭعى ساياسي كەڭەسٸندە ماقۇلدانعان پارتييا جوبالارىن ٶتە جاقسى ٸسكە اسىرۋدا. بٸز ٶڭٸردٸڭ كٶپتەگەن باعىتتار بويىنشا تەجٸريبەسٸن جيناقتاپ, ونى باسقا ايماقتارعا ۇسىنامىز. تۇتاستاي العاندا, بٸز حالىقپەن, جاستارمەن, اعا بۋىنمەن قارىم-قاتىناس جاساي وتىرىپ, پارتييالىق جوبالارىمىزدىڭ سۇرانىسقا يە ەكەندٸگٸن كٶرٸپ وتىرمىز. ولاردى ادامدار قولدايدى. ولار بٸزدٸڭ حالقىمىزدىڭ يگٸلٸگٸ ٷشٸن جۇمىس ٸستەيدٸ. بارلىق جوبالار ٷشٸن بٸز ٶڭٸردە جاقسى جۇمىس باستالعانىن كٶرەمٸز, - دەپ اتاپ ٶتتٸ م.ەشٸمباەۆ.
