Foto: Baq.kz
Qazaqstandyq opera ánshisi Mariia Mýdriak Qytaidaǵy gastroldik týryn aiaqtady. Kontsertter basty opera sahnalarynda – Beijińdegi Ulttyq óner ortalyǵynda jáne Sian qalasyndaǵy Grand Opera House sahnasynda ótti, dep habarlaidy Ult.kz.
Bul – ánshiniń Qytaidaǵy besinshi gastroli. Ónerpaz Motsarttyń «Figaronyń úilenýi» operasyndaǵy grafinia Almaviva partiiasyn alǵash ret oryndady. Buǵan deiin ol osy qoiylymdaǵy Siýzanna partiiasyn shyrqasa, al biyl alǵash ret kórermenge grafinia obrazynda shyqty. Bul keiipkerdiń tereń ári qarama-qaishy sezimderi spektaklge erekshe dramalyq áser men emotsiialyq tereńdik berdi.
Mariia Mýdriak Qazaqstanda dúniege kelgen. Ol bala kezinen-aq án aitýǵa qyzyǵyp, 10 jasynan bastap Italiiada vokaldan dáris alǵan. Sol jerde «La Skala» teatrynyń balalar horynda shyǵarmashylyq jolyn bastap, keiin Milandaǵy Dj. Verdi atyndaǵy konservatoriiany támamdady.
Qazir ol álemniń jetekshi opera sahnalarynda óner kórsetip júr jáne álemdegi eń úzdik on sopranonyń biri sanalady.
Ánshiniń kelesi kontserti biyl qazanda Italiiada, Iezi qalasyndaǵy Pergolezi teatrynda ótedi. Ol onda «Don Jýan» operasyndaǵy Donna Anna partiiasyn oryndaidy. Osylaisha, Mariia Mýdriak Motsarttyń operalyq trilogiiasyndaǵy úsh basty áiel rólin tolyqtai sahnalaityn bolady.
