فوتو: Baq.kz
قازاقستاندىق وپەرا ەنشٸسٸ مارييا مۋدرياك قىتايداعى گاسترولدٸك تۋرىن اياقتادى. كونتسەرتتەر باستى وپەرا ساحنالارىندا – بەيجٸڭدەگٸ ۇلتتىق ٶنەر ورتالىعىندا جەنە سيان قالاسىنداعى Grand Opera House ساحناسىندا ٶتتٸ, دەپ حابارلايدى Ult.kz.
بۇل – ەنشٸنٸڭ قىتايداعى بەسٸنشٸ گاسترولٸ. ٶنەرپاز موتسارتتىڭ «فيگارونىڭ ٷيلەنۋٸ» وپەراسىنداعى گرافينيا الماۆيۆا پارتيياسىن العاش رەت ورىندادى. بۇعان دەيٸن ول وسى قويىلىمداعى سيۋزاننا پارتيياسىن شىرقاسا, ال بيىل العاش رەت كٶرەرمەنگە گرافينيا وبرازىندا شىقتى. بۇل كەيٸپكەردٸڭ تەرەڭ ەرٸ قاراما-قايشى سەزٸمدەرٸ سپەكتاكلگە ەرەكشە درامالىق ەسەر مەن ەموتسييالىق تەرەڭدٸك بەردٸ.
مارييا مۋدرياك قازاقستاندا دٷنيەگە كەلگەن. ول بالا كەزٸنەن-اق ەن ايتۋعا قىزىعىپ, 10 جاسىنان باستاپ يتالييادا ۆوكالدان دەرٸس العان. سول جەردە «لا سكالا» تەاترىنىڭ بالالار حورىندا شىعارماشىلىق جولىن باستاپ, كەيٸن ميلانداعى دج. ۆەردي اتىنداعى كونسەرۆاتورييانى تەمامدادى.
قازٸر ول ەلەمنٸڭ جەتەكشٸ وپەرا ساحنالارىندا ٶنەر كٶرسەتٸپ جٷر جەنە ەلەمدەگٸ ەڭ ٷزدٸك ون سوپرانونىڭ بٸرٸ سانالادى.
ەنشٸنٸڭ كەلەسٸ كونتسەرتٸ بيىل قازاندا يتالييادا, يەزي قالاسىنداعى پەرگولەزي تەاترىندا ٶتەدٸ. ول وندا «دون جۋان» وپەراسىنداعى دوننا اننا پارتيياسىن ورىندايدى. وسىلايشا, مارييا مۋدرياك موتسارتتىڭ وپەرالىق تريلوگيياسىنداعى ٷش باستى ەيەل رٶلٸن تولىقتاي ساحنالايتىن بولادى.
