Dostar, men qoǵamdyq belsendiligimniń arqasynda kóp qaýymǵa belgili boldym. Osyǵan orai, jurt meni Qazaqstan Respýblikasy prezidenttigine úmitker bolýǵa usynyp júr jáne kóptegen saýalnamalarǵa, reitingterge qosyp júr. Men olardy túsinemin. Sondyqtan artyq sózdi toqtatý úshin jáne barlyq suraqtarǵa jaýap berý úshin óz pikirimdi keltirip otyrmyn.
Birinshiden, bizdiń qoǵam men saiasattyń bailanysyn bile otyra men saiasattan ári júrgendi jón kóremin.
Ekinshiden, sailaý zańy boiynsha erkin, táýelsiz úmitker sailaýǵa qatysa almaidy. Tek partiialar arqyly ǵana. Al bizde qansha partiia bar jáne olardyń artynda kim turǵanyn bilesizder.
Úshinshiden, sailaý zańynyń talaby boiynsha, memleket organdarynda istegen 5 jyldyq tájiribem joq. Meniń oiymsha, bul - bilikke bóten adam kirmesin dep istelgen nárse.
Tórtinshiden, úmitker keiingi 15 jylda Qazaqstanda turýy qajet. Siz biletindei, meni elde qýdaǵalaǵandyqtan, men bir jyldai shet elde turýǵa májbúr boldym.
Besinshiden. Joǵary aitylǵan sebepterden tys, táýelsiz adamǵa úmitker bolýǵa múmkindik bermeitin, basqa da kóptegen kózge kórinbeitin kedergiler bar.
Altynshydan, sailaýdyń ashyq, taza jáne ádil bolatynyna kúmánim bar. Meniń pikirim boiynsha bul sailaýdyń nátijesi belgili, ony ózderińiz de bilesizder. Sailaý ashyq bolýy úshin, oǵan, órkenietti elderdegidei kez kelgen táýelsiz úmitkerdiń qatysa alatyn jaǵdaiy bolý kerek. Úmitkerlerdiń sailaýǵa daiyndalyp úlgeretin ýaqyty bolý kerek, barlyq úmitkerler BAQ quraldary men daýys berý úderisin qadaǵalaýǵa birdei áseri bolý kerek, xalyq asyqpai, oilanyp tańdaýǵa jaǵdai bolý kerek.
Jetinshiden, bul eń mańyzdysy, meniń oiymsha, keleshekte barlyq el bir adamǵa qarap qalmaýy kerek. Sondyqtan men Qazaqstannyń Parlamenttik Respýblika bolǵanyn durys dep esepteimin.
Dostar, bul meniń jeke pikirim, sailaýǵa qatyspaityn sebepterimdi aityp berdim. Men tek qana zańdy joldaryn oilaityn adammyn. Eshkimdi, eshteńege tartyp iia nasixattap otyrǵan joqpyn. Men qatelesýim de múmkin, buryn kóp qateleskenmin de. Meniń nietim ol túkke turmaityn úmit pen boljaýlardy toqtatý ǵana boldy. Bizde arqashan ózimizge laiyq bilik bolady. Sondyqtan ózderińizdi ózgertip, jumys istep, belsendi bolyp, jaýapkershilikti óz moiyndaryńa alyp, sabyr saqtańyzdar.
Marǵulan Seisembaidyń feisbýktaǵy jazbasynan
