Marat Tájin Prezident Ákimshiligi basshysynyń birinshi orynbasary bolyp taǵaiyndaldy, - dep habarlaidy "Ult aqparat" Aqordaǵa silteme jasap.
"Marat Muhanbetqazyuly Tájin Qazaqstan Respýblikasy Prezidentiniń Ákimshiligi Basshysynyń birinshi orynbasary bolyp taǵaiyndalsyn, ol Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi qyzmetinen bosatylsyn", - delingen Aqordanyń saitynda.
Sondai-aq, búgin Memleket basshysynyń Jarlyǵymen Baǵlan Asaýbaiuly Mailybaev Qazaqstan Respýblikasy Prezidentiniń Ákimshiligi Basshysynyń orynbasary qyzmetinen bosatyldy.
Marat Tájin osyǵan deiin de Prezident Ákimshiligi basshysynyń birinshi orynbasary qyzmetin 2002 jyldyń tamyz aiynan 2006 jyldyń sáýir aiyna deiin atqarǵan.
Marat Muhanbetqazyuly Tájin 1960 jyly 8 sáýirde Aqtóbede dúniege kelgen. Qazaqstannyń memlekettik qyzmetkeri, QR burynǵy syrtqy ister ministri (2007-2009 jyldar aralyǵynda), sotsiologiia ǵylymdarynyń doktory. 1981 jyly Almatydaǵy Halyq sharýashylyq institýtyn "ekonomist" mamandyǵy boiynsha bitirgen. Ulybritaniiadaǵy London ýniversitetinde tájiribe alǵan. 1994-1995 jyldary Qazaqstan Respýblikasy Prezidentiniń Memlekettik keńesshisi qyzmetin atqardy.
1999-2001 jyldary Prezidenttiń Ulttyq qaýipsizdik máseleleri jónindegi kómekshisi qyzmetin atqarsa, 2001 jyly Qazaqstan Respýblikasy Qaýipsizdik Keńesiniń Hatshysy qyzmetine kelgen.
.jpeg)