Aktrisa Dariǵa Badyqova Oljas Abaimen birge túsirgen “Sońyra” filmi týraly jazyp, kórermendi óz ómirine de kóńil bólýge shaqyrdy, dep habarlaidy ult.kz.

Óner iesiniń aitýynsha, týyndyda jaqyndarynyń qamyn oilap, óz qalaýy men armanyn keiinge ysyra beretin adamdardyń taǵdyry kórsetiledi.

“Adam bárine úlgeremin, jaqyndarymnyń jaǵdaiyn jasaimyn dep júrip, óz ómiriniń qalai ótip ketkenin baiqamai qalýy múmkin”, – dep jazdy aktrisa.

Badyqova filmniń mazmuny qutqarýshylardyń qyzmetimen ǵana shektelmeitinin jetkizdi. Onyń sózinshe, oqiǵa ózgeni qutqarýǵa umtylyp, ózin umytyp ketken jandar týraly.

Aktrisa týyndyny kórgen adamdar kúndelikti tirshiliktiń arasynda ózine ýaqyt bólip júr me degen saýalǵa jaýap izdese deidi. Sondai-aq ol oqyrmandaryna “Siz ózińizdi birinshi orynǵa qoidyńyz ba?” degen suraq qoidy.

Aita keteiik, Dariǵa Badyqova men Oljas Abai shańyraq kóterdi.

Dariǵa Badyqova kim? 
 

Dariǵa Badyqova – qazaqstandyq teatr jáne kino aktrisasy, prodiýser. Kópshilikke “Biznes po-kazahski” filmderindegi Maqpal róli arqyly tanylǵan. Sondai-aq “Kelinjan” telehikaiasynda oinap, kórermen yqylasyna bólendi. Aktrisa keiipkerleriniń minezin ashýda kúndelikti ómirde kezdesetin adamdardyń áreketi men sóileý mánerin paidalanatynyn aitqan.

Keiingi jyldary Dariǵa Badyqova prodiýserlikpen de ainalysa bastady. Ol “Taptym-aý seni” filmin jaryqqa shyǵarýǵa atsalysty. Osylaisha akterlik ónermen qatar, kino jobalaryn júzege asyrý baǵytynda da jumys istep keledi.