Tanymal azamattyq belsendi Marat Shibutov Qoǵamdyq keńesterdiń tiimdi jumys isteý sharttaryn atady, dep habarlaidy QazAqparat.
«Belsendi turǵyndary bar óńirlerdegi Qoǵamdyq keńesterdiń jumysy tiimdi bolmaq. Iaǵni, qalanyń, aýdannyń belsendi turǵyndary keńesterge qoldaý kórsetip, onyń qyzmetin únemi jariialap otyrǵan kezde ákimdik nemese ministrlik belsendilerdiń tarapynan qysymdy baiqaidy. Sodan keiin olar Qoǵamdyq keńesterdi azamattarmen bailanysýdaǵy negizgi araaǵaiyn jasaýǵa májbúr bolady»,- dedi ol IX Azamattyq forým barysynda.
Osy rette ol Qoǵamdyq keńesterdiń quramyn jasaqtaýdaǵy negizgi problemalarǵa toqtaldy.
«Ókinishke orai, belsendi azamattary bar mundai óńirler óte az. Al salalar jaiynda aitar bolsaq, olardy tipti kemshin túsip jatyr. Saladaǵy taǵy bir problema - bul Qoǵamdyq keńesterdiń quramy. Óitkeni, Qoǵamdyq keńesterdiń resýrstary joq jáne olardyń jumysynyń tiimdiligi sapaly quramyna tikelei bailanysty. Qoǵamdyq keńes jaqsy jumys isteýi úshin birneshe belsendi adam bolsa jetkilikti», - dedi Marat Shibutov.
