تانىمال ازاماتتىق بەلسەندٸ مارات شيبۇتوۆ قوعامدىق كەڭەستەردٸڭ تيٸمدٸ جۇمىس ٸستەۋ شارتتارىن اتادى, دەپ حابارلايدى قازاقپارات.
«بەلسەندٸ تۇرعىندارى بار ٶڭٸرلەردەگٸ قوعامدىق كەڭەستەردٸڭ جۇمىسى تيٸمدٸ بولماق. ياعني, قالانىڭ, اۋداننىڭ بەلسەندٸ تۇرعىندارى كەڭەستەرگە قولداۋ كٶرسەتٸپ, ونىڭ قىزمەتٸن ٷنەمٸ جارييالاپ وتىرعان كەزدە ەكٸمدٸك نەمەسە مينيسترلٸك بەلسەندٸلەردٸڭ تاراپىنان قىسىمدى بايقايدى. سودان كەيٸن ولار قوعامدىق كەڭەستەردٸ ازاماتتارمەن بايلانىسۋداعى نەگٸزگٸ ارااعايىن جاساۋعا مەجبٷر بولادى»,- دەدٸ ول IX ازاماتتىق فورۋم بارىسىندا.
وسى رەتتە ول قوعامدىق كەڭەستەردٸڭ قۇرامىن جاساقتاۋداعى نەگٸزگٸ پروبلەمالارعا توقتالدى.
«ٶكٸنٸشكە وراي, بەلسەندٸ ازاماتتارى بار مۇنداي ٶڭٸرلەر ٶتە از. ال سالالار جايىندا ايتار بولساق, ولاردى تٸپتٸ كەمشٸن تٷسٸپ جاتىر. سالاداعى تاعى بٸر پروبلەما - بۇل قوعامدىق كەڭەستەردٸڭ قۇرامى. ٶيتكەنٸ, قوعامدىق كەڭەستەردٸڭ رەسۋرستارى جوق جەنە ولاردىڭ جۇمىسىنىڭ تيٸمدٸلٸگٸ ساپالى قۇرامىنا تٸكەلەي بايلانىستى. قوعامدىق كەڭەس جاقسى جۇمىس ٸستەۋٸ ٷشٸن بٸرنەشە بەلسەندٸ ادام بولسا جەتكٸلٸكتٸ», - دەدٸ مارات شيبۇتوۆ.
