QR Úkimetiniń Qaýlysymen Kúldikov Marat Muhametqaliuly Qazaqstan Respýblikasynyń tótenshe jaǵdailar vitse-ministri qyzmetine taǵaiyndaldy. Bul týraly QR Premer-Ministriniń Baspasóz qyzmeti habarlaidy.
Marat Kúldikov 1967 jyly Semei oblysynda týǵan. 1994 jyly QR IIM Almaty joǵary tehnikalyq ýchilishesin «órtten qorǵaný tehnikasy jáne ony uiymdastyrý» mamandyǵy boiynsha, 2000 jyly QR TJK Kókshetaý tehnikalyq institýtyn «órt qaýipsizdigi» mamandyǵy boiynsha bitirgen.
Eńbek jolyn 1989 jyly Semei qalasyn kúzetý jónindegi IIB №79 áskerilendirilgen órt sóndirý bólimine baǵynysty órt sóndirýshi bolyp bastady. 1993-2008 jyldary Shyǵys Qazaqstan oblysynyń memlekettik órtke qarsy qyzmet organdarynda orta jáne aǵa basshy quramynyń túrli laýazymdaryn atqardy. 2008-2012 jj. — Shyǵys Qazaqstan oblysynyń Tótenshe jaǵdailar departamentiniń bastyǵynyń orynbasary – Semei qalasynyń Tótenshe jaǵdailar basqarmasynyń bastyǵy.
2012-2014 jj. — Jambyl oblysynyń Tótenshe jaǵdailar departamentiniń bastyǵy. 2014-2016 jj. — Batys Qazaqstan oblysynyń Tótenshe jaǵdailar departamentiniń bastyǵy. 2016-2019 jj. — QR IIM Tótenshe jaǵdailar komiteti tóraǵasynyń orynbasary. 2019 jyldan qazirgi ýaqytqa deiin Tótenshe jaǵdailar komitetiniń tóraǵasynyń birinshi orynbasary qyzmetin atqardy.
