Ádilet ministri Marat Beketaev Senatta «1994 jylǵy 9 qyrkúiektegi Eýraziialyq patent konventsiiasyna ónerkásiptik úlgilerdi qorǵaý týraly hattamany ratifikatsiialaý týraly» zań jobasyn tanystyrdy, dep habarlaidy "Ult aqparat".
«Hattamada ónerkásiptik úlgilerge eýraziialyq patentterdiń quqyqtyq qorǵaý erekshelikteri, áreket etý qaǵidattary, ótinish berýshilerdiń, quqyq ielenýshilerdiń quqyqtary men mindetteri, sondai-aq Eýraziialyq patent vedomstvosy júzege asyratyn mindettemeler men ýákilettikter kózdelgen. Atalǵan zań jobasy óńirlik patent júiesin jetildirý maqsatynda engizilip otyr. Halyqaralyq patentteý kezinde ár memlekette jeke ótinim berý jáne jeke tólemderdi tóleý aitarlyqtai ákimshilik kedergi bolyp tabylady. Qazaqstandyq ótinim berýshiler úshin óńirlik júieniń artyqshylyǵy – obektini segiz memlekette bir ýaqytta qorǵaý úshin Eýraziialyq patent vedomstvosyna júginý múmkindigi», - dedi Marat Beketaev Parlament Senatynyń otyrysynda.
Onyń aitýynsha bul júie Eýraziialyq aýmaqta saýda jasaý barysynda ónerkásiptik úlgilerdi qorǵaýdyń deńgeiin arttyrýǵa jáne osy júieniń múshe memleketteriniń investitsiialyq tartymdylyǵyn arttyrýǵa múmkindik beredi. Óńirlik patent eýraziialyq naryqqa baǵyttalǵan otandyq taýar óńdirýshileriniń múmkindikterin arttyrady.
