Otandasymyz Janna Mamajanova Niderlandyda ótken Roterdam marafonynda Qazaqstan rekordyn jańartty, dep habarlaidy "Ult aqparat" Mádeniet jáne sport ministrligine silteme jasap.
Sońǵy ret bul rekordtyq kórsetkishti 1987 jyly Tokioda Zoia Ivanova ornatqan. KSRO Eńbek sińirgen sport sheberiniń ol kezdegi kórsetkishi 2:27:57 bolatyn. Al Janna Mamajanova máre syzyǵyn 2:26:54 ýaqytta kesip, Roterdam marafonynyń qola júldesin jeńip aldy.
«Marafon oidaǵydai ótti. Júgirý barsynda tempti birqalypty ustaýǵa tyrystym. Qazaqstan rekordyn jańartýdy aldyn-ala josparladym. Ol úshin maǵan árbir shaqyrymdy 3:30 minýtta baǵyndyrý kerek boldy. Júgirip kele jatyp, áielder arasynda shamamen «top-8», «top-7» qatarynda bolatyn shyǵarmyn, dep oiladym. Biraq sońǵy shaqyrymdardy keniialyq eki qyzdy baiqadym. Máreni keskende de ózimniń úshinshi bolyp kelgenimdi bilmedim. Men úshin bastysy iri halyqaralyq dodada el rekordyn jańartý boldy»-deidi qazaqstandyq jelaiaq Janna Mamajanova.
1981 jyldan beri dástúrli túrde ótetin, álemniń úzdik on marafondarynyń qataryna kiretin Roterdam marafonynda biylǵy jyly on úsh myńnan asa atlet baq synaǵan.
