وتانداسىمىز جاننا ماماجانوۆا نيدەرلاندىدا ٶتكەن روتەردام مارافونىندا قازاقستان رەكوردىن جاڭارتتى, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنە سٸلتەمە جاساپ.
سوڭعى رەت بۇل رەكوردتىق كٶرسەتكٸشتٸ 1987 جىلى توكيودا زويا يۆانوۆا ورناتقان. كسرو ەڭبەك سٸڭٸرگەن سپورت شەبەرٸنٸڭ ول كەزدەگٸ كٶرسەتكٸشٸ 2:27:57 بولاتىن. ال جاننا ماماجانوۆا مەرە سىزىعىن 2:26:54 ۋاقىتتا كەسٸپ, روتەردام مارافونىنىڭ قولا جٷلدەسٸن جەڭٸپ الدى.
«مارافون ويداعىداي ٶتتٸ. جٷگٸرۋ بارسىندا تەمپتٸ بٸرقالىپتى ۇستاۋعا تىرىستىم. قازاقستان رەكوردىن جاڭارتۋدى الدىن-الا جوسپارلادىم. ول ٷشٸن ماعان ەربٸر شاقىرىمدى 3:30 مينۋتتا باعىندىرۋ كەرەك بولدى. جٷگٸرٸپ كەلە جاتىپ, ەيەلدەر اراسىندا شامامەن «توپ-8», «توپ-7» قاتارىندا بولاتىن شىعارمىن, دەپ ويلادىم. بٸراق سوڭعى شاقىرىمداردى كەنييالىق ەكٸ قىزدى بايقادىم. مەرەنٸ كەسكەندە دە ٶزٸمنٸڭ ٷشٸنشٸ بولىپ كەلگەنٸمدٸ بٸلمەدٸم. مەن ٷشٸن باستىسى ٸرٸ حالىقارالىق دودادا ەل رەكوردىن جاڭارتۋ بولدى»-دەيدٸ قازاقستاندىق جەلاياق جاننا ماماجانوۆا.
1981 جىلدان بەرٸ دەستٷرلٸ تٷردە ٶتەتٸن, ەلەمنٸڭ ٷزدٸك ون مارافوندارىنىڭ قاتارىنا كٸرەتٸن روتەردام مارافونىندا بيىلعى جىلى ون ٷش مىڭنان اسا اتلەت باق سىناعان.
