Mańǵystaý oblysy Munaily aýdanynda turatyn otbasynyń on ekinshi sábii dúniege keldi, dep habarlaidy QazAqparat.
«Ainur Jumanbetova ul balany tabiǵi jolmen dúniege ákeldi. Náresteniń salmaǵy – 3 keli 770 gr, boiy – 55 sm. Ana men sábidiń jaǵdaiy turaqty bolǵandyqtan, úiine shyǵaryldy», - dedi «Ana men bala» ortalyǵynyń direktory Japyraq Epenova.
Kóp balaly ana 18 jasynda turmysqa shyqqan. Otbasynyń osyǵan deiin 7 ul, 4 qyzy bar edi. Olar 12-perzentine Muhammed-Ámin dep at qoiypty. Qarapaiym januia byltyr memleket baǵdarlama aiasynda arendalyq páter alǵan.
«Otaǵasynyń ailyǵy jáne balalardyń járdemaqysymen el qatarly kún keship kelemiz. Tuńǵyshym 17 jasqa tolady. Biyl 11-synyp oqidy. Áskeri qyzmetker bolýdy josparlap otyr. Ekinshi ul 9-synyp bitirip, kolledjge qujat tapsyryp jatyr. Kishisi 1 jarym jasta. Joldasym da, ózim de kóp balaly otbasynan shyqqanbyz. Endi balalarymyzǵa jaqsy bilim, tárbie berip, elge qamqor azamat qylyp ósirsek, armanymyz joq. Alla berip jatsa, áli de bala týýǵa daiynmyn», – deidi Ainur Jumanbetova.
Aita keteiik, otbsynda egiz nemese úshem joq.
