Óńirdegi esirtki qylmysyna qarsy is-qimyl basqarmasynyń qyzmetkerleri esirtki qylmysynyń 493 faktisin anyqtap, esirtki satatyn 72 saitty buǵattady, dep habarlaidy "Ult aqparat" Mańǵystaý oblystyq politsiia departamentiniń baspasóz qyzmetine silteme jasap.
Departamenttiń málimetinshe, jyl basynan beri esirtki saýdasyna qarsy is-qimyl basqarmasynyń qyzmetkerleri 493 esirtki qylmysyn anyqtaǵan. Nátijesinde zańsyz ainalymnan geroin, marihýana, gashish, apiyn jáne sintetikalyq esirtki siiaqty 193 keligie jýyq esirtki zattary tárkilendi.
«Oblys politseileri Ákimshilik quqyq buzýshylyq týraly kodekstiń 608-babyn buzýdyń 39 faktisin (esirtkige mas kúiinde kólik quralyn júrgizý), 426-babyn buzýdyń bes faktisin (dárilik preparattardy retseptisiz bosatý) jáne 427-babyn buzýdyń bir faktisin (esirtki, psihotroptyq zattar, prekýrsorlar ainalymy salasyndaǵy obektiler men úi-jailardyń tehnikalyq nyǵaitylý talaptaryn buzý) anyqtady», - delingen habarlamada.
Sondai-aq, esirtki quraldary men olardyń analogtaryn jarnamamen jáne satýmen ainalysatyn 72 saitty tapty. Barlyq saittar buǵattaldy. Esirtki zattaryn satý boiynsha internet-resýrstardy jarnamalaityn 40 graffiti tabyldy jáne joiyldy.
