- Mańǵystaý oblysynda balalardyń alańsyz áreketi iri órtke ákeldi. Ottan úsh búldirshindi kórshi turatyn segizinshi synyp oqýshysy qutqarǵan, dep habarlaidy tumba.kz.
Oqiǵa 7 qarashada tańerteń Beineý aýdanynyń Beineý aýylynda bolǵan. Onda Azan Balov kóshesindegi №52 úide alty, bes jáne tórt jastaǵy úsh búldirshin eresekterdiń qaraýynsyz qalǵan. Olar sirińkemen oinap, órt shyǵarǵan.
Mańǵystaý oblysy TJD baspasóz qyzmetiniń basshysy Gúlnár Qojabekova habarlaǵandai, osy eldi mekennen órt bolyp jatqany týraly kórshileri qońyraý shalǵan. Shaqyrtýǵa №6 órt sóndirý bólimshesiniń brigadasy baryp, úi otqa oranyp jatqanyn kórgen. Órt kezinde uiyqtaityn bólmede turǵan printerler men komod janyp ketken. Jalyn sharpyǵan aýmaqtyń jalpy alańy 2 sh. m. qurady. - Órt kezinde úide úsh kishkentai bala bolǵan. Jalyndy kórgen kórshiniń balasy janyp jatqan úige kirip, kishkentailarǵa terezeden shyǵýǵa kómektesip, olardy aman alyp qaldy - dep túsinik berdi Gúlnar Qojabekova.
Qutqarýshy J. Qaldyǵaraev atyndaǵy orta mekteptiń 8 «B» synyp oqýshysy Ǵalymjan Kúzembaev bolashaqta órt sóndirýshi mamandyǵyn tańdaǵysy keletinin de aitty. Balalar ómirine alańdaǵan jasóspirim, olardyń tútinge tunshyǵatyndyǵyn oilap órt sóndirýshilerdi kútpesten shuǵyl áreketke barǵan.
Barlyq quqyqtar qorǵalǵan. inform.kz belsendi siltemeni paidalanyńyz http://inform.kz/kz/mangystaulyk-okushy-ush-balany-ortten-kutkardy_a2969096
.jpeg)