Mańǵystaýlyq munaishylar túlkilerdi qolǵa úiretti, dep habarlaidy "Ult aqparat".
Osydan bir ai buryn «Komsomolskoe» ken ornynda eńbek etetin jumysshynyń biri sol mańǵa jaqyn jerde bir top túlkiniń tirshilik etetinin baiqaǵan. Bastapqyda jyrtqyshtar adamdarǵa jaqyndaýǵa qoryqqan. Muny túsingen 56 jastaǵy Sáken Qabylov olarmen «dostasýdyń» jolyn izdeidi. Sóitip, túz taǵylaryna tamaq pen ydysqa sý quiyp bergen. Túlkiler birte-birte munaishylarǵa úirene bastaǵan. Búginde olar ken ornyndaǵy jumysshylarmen birge tamaqtanýda. Ony munaishylar túsirip alǵan beinejazbadan anyq kórýge bolady.
