Mańǵystaý oblysynyń aýyldyq jerlerinde juma namazyn ótkizýge ruqsat etilgen, dep habarlaidy «Ult aqparat».
Bul týraly qoǵamdyq kommýnikatsiia ortalyǵynda ótken brifingte Mańǵystaý oblysy din isteri basqarmasynyń basshysy Maqsatbek Mahanbetov málim etti.
Onyń aitýynsha, jýyrda Qazaqstan musylmandary dini basqarmasynyń tóraǵasy Naýryzbai qajy Taǵanuly koronavirýs infektsiiasynyń taralýy boiynsha qaýipsiz «jasyl aimaqta» ornalasqan óńirlerdegi meshitte juma namazyn oqýǵa ruqsat berý týraly usynys aitqan.
Osyǵan orai, QR Densaýlyq saqtaý ministrligi tarapynan karantin talaptaryn kezeń-kezeńimen jeńildetý maqsatynda «jasyl aimaqta» ornalasqan oblystarda juma namazyn tek aýyldyq jerlerde, syiymdylyǵy 150 adamǵa deiingi meshitterde 25%-dan aspaityn mólsherde sanitarlyq talaptardy saqtai otyryp ótkizýge ruqsat etilgen.
Al qalalyq jerlerde juma namazyn oqýǵa ruqsat berilmegen.
Spikerdiń aitýynsha, bul qala turǵyndarynyń kóptigine bailanysty.
«Osy jerde túsindire keteiik. Qala turǵyndary ózderiniń «juma namaz» qulshylyǵyn oryndaý úshin qala mańyndaǵy aýyldyq meshitterge barý derekteri oryn alyp jatyr. Al aýyldyq meshitterdiń syiymdylyǵy 50-100 oryn. Eger qaladan jamaǵat aýyl meshitterine keletin bolsa sanitarlyq dáriger qaýlysyndaǵy talaptar saqtalmaidy. Sondyqtan qala turǵyndaryn sabyrlyqqa shaqyra otyryp, jumadaǵy qulshylyqtaryńyzdy jeke namaz retinde qalalyq meshitte nemese úilerińizde ótkizýlerińizdi suraimyn», - dedi Maqsatbek Mahanbetov.
MEShITTE NAMAZ OQÝǴA QOIYLATYN TALAPTAR:
• Meshitke qulshylyqq etýge kelgen azamat uzaq ýaqyt meshitte bolmaýy tiis. Meshitte bolý ýaqyt uzaqtyǵy – 15 minýt;
• Namaz oqýshylardyń araqashyqtyǵy 1,5 metr bolýy kerek jáne arnaiy belgilengen oryndarda namaz oqyp, namaz oqyp bolǵanan soń meshitten birden shyǵyp ketý;
• Meshitke keletin adam sanyn dini ǵimarttyń jalpy paidaly aýdanynyń 30 paiyzynan artyq toltyrmaý;
• Meshitte qol alyspaý kerek;
• Meshitterde aýa almasý júiesi jaqsy júrý úshin barlyq esikterdi ashyp qoiý qajet;
• Ár 3 saǵat saiyn namaz oqityn zaldardy zalalsyzdandyrý jumystaryn júrgizý qajet;
• Namaz oqityn zaldarda imamdar jáne namaz oqityn adamdar mindetti túrde betperde jáne meditsinalyq qolǵappen bolý kerek;
• Jasy úlken kisiler, densaýlyǵy nashar adamdar (er jáne áiel) jáne jas balalar namazdaryn úilerinde oqyǵany abzal;
• Meshit dárethanalaryn qoldaný barysynda araqashyqtyqty jáne santitarlyq talaptardy saqtaýy tiis;
• Meshittiń kireberisinde turǵan antiseptikalyq quraldardy paidalaný qajet;
• Meshitke kirý bólek esikten jáne shyǵý bólek esikter arqyly bolýy tiis.
