Mańǵystaý oblysynda shańdy daýyl kóterildi.
Áleýmettik jelide oblystaǵy jaǵdaidyń videolary tarady. Jeldiń saldarynan joldar kórinbeidi. Avtokólik júrgizýshileriniń aitýynsha, shańdy daýyl kóterilip, joldy kórip otyrý qiyndaǵan, dep habarlady Sputnik Qazaqstan agenttigi jergilikti jergilikti Lada.kz saityna silteme jasap.
Alaida aýa raiy qubylystaryna bailanysty joldar jabylmaidy. Jergilikti politsiia avtokólik júrgizýshileri men jaiaý júrginshilerden asa qajet bolmasa, jolǵa jáne kóshege shyqpaýdy surady.
Al jergilikti politsiia kúsheitilgen jumys rejimine kóshti. Olar daýyl kezinde jol-kólik oqiǵasynyń aldyn alý úshin jumys istep jatyr.
Politsiia júrgizýshilerdi jyldamdyqty asyrmai, avtokólikter arasynda qashyqtyqty saqtaýǵa shaqyrdy. Sondai-aq joldarda manevr jasaýdan aýlaq bolýdy eske saldy.
Al Mańǵystaý oblysy tótenshe jaǵdailar departamenti daýyldy jel qaýipi týǵan kezde balkondy tekserýdi surady. Barlyq jeńil jáne kólemdi zattardy bólmege kirgizý kerek.
Jeke kólikti aǵashtardyń janynan jáne eski nysan, qurylǵy mańynan alý qajet. Sondai-aq ata-analar balalaryn baqylaýǵa alyp, qaraýsyz tastamaýdy surady.
Aita keteri, 5 sáýirde Mańǵystaý oblysynyń ońtústiginde shańdy daýyl bolay. Jel soltústik-batystan ońtústik-shyǵysqa qarai aýysady, oblystyń ońtústiginde jeldiń jyldamdyǵy 15-20 m/s deiin jetedi.
