foto: stan.kz
Astanadaǵy qylmystyq ister boiynsha aýdanaralyq áskeri sotynda 19 jastaǵy sarbaz Marat Barqulovtyń ólimine qatysty sot otyrysy jalǵasyp jatyr. Sotta kýágerler oqiǵanyń qalai bolǵanyn baiandap berdi. Bul týraly Ult.kz, Stan.kz aqparat agenttigine silteme jasap habarlaidy.
Atalǵan is boiynsha "Batys" aimaqtyq qolbasshylyǵy, 25744 áskeri bóliminiń burynǵy vzvod komandiri, leitenant Damir Dosov kúdikti dep tanylǵan. Sot otyrysynda oqiǵa bolǵan "Oimasha" poligonyndaǵy sarbazdar men áskeriler istiń mán-jaiyn aityp berdi.
Sarbaz Mahsym Dangarov sot otyrysynda oq atylǵan sát jaily baiandady. Sózinshe, kúdikti dep tanylǵan Dosov shatyrǵa kirip, ishte bolǵan sarbazdarǵa tapansha kezegen.
"Men leitenant Dosovtan qaryndasyma qońyraý shalý úshin telefon suradym. Sosyn Barqulov ta 10-15 minýttan keiin qońyraý shalyp alý úshin telefon surady. Marat bala kúngi dosy Danilge beineqońyraý arqyly habarlasqan. Shamamen 5 minýttai sóilesti. Sol sátte Dosov shatyrǵa kirip keldi de, bizdi balaǵattap, bárimizge tapansha kezedi. Keiin tapanshany tómen túsirip, oqtap, atyp jibergende Barqulov qulap tústi. Men eseńgirep qaldym, alǵashqy kómek kórsetýge shamam bolmady. Jedel járdem kelgen soń tamyr soǵysy joq ekenin aitty", – dedi Dangarov.
Sotta jaýap bergen ózge kýágerler de oqiǵa bolǵanǵa deiin kúdikti Dosovtyń ózgelerge tapansha kezegenin jetkizdi.
"Men sol kúni kezekshilikten shyqqanmyn. Kezekshilerdiń shatyrynda jatqan kezde Dosov maǵan kelip, betime kúle qarap tapanshany basyma kezedi. Buǵan deiin nusqaýlyq kezinde tapanshaǵa oq salynǵanyn kórgenmin. Sondyqtan abaisyzda atylyp kete me dep qorqyp, shatyrdan júgirip shyǵyp kettim. 10-15 minýttan keiin oq atylǵanyn estidim. Oqiǵa bolǵan shatyrǵa kelgenimde jerde sarbazdyń jatqanyn, al janynda Dosovtyń otyrǵanyn kórdim", – dedi Erjan Baltabaev.
Al kelesi kýáger Bekzat Jaken de nusqaýlyq aiaqtalǵan soń 7 qyrkúiek kúni Dosovtyń tapansha kezeginen málimdedi.
"Saǵat 16:00 shamasynda nusqaýlyq boldy. Maior Mailiev nusqaýlyq júrgizdi, ol jerde Damir Dosov, men, sońǵy kezekshiler boldy. Dosovqa tapanshamen kezekshilikke túsetinin, oinaýǵa bolmaitynyn aitty. Budan keiin biz shyǵyp ketkenbiz. Shatyrda bolǵanda Dosov meniń betime tapanshany qaratty, "Men ne istep jatyrsyń?" dep, ústelge qarai shegindim.
Dosov shatyrdan shyǵyp ketkennen keiin men de syrtqa shyqtym. Az ýaqyt ótken soń oq atylǵan daýsyn estidim. Ishke kirgenimde Barqulovtyń jerde jatqanyn kórdim, Dosov oiata almai otyrdy. Beti qan. "Tiri me?" dep suraǵanda "Tiri" dep aitty", – dedi kýáger. Aqparatty sál ózgert
