فوتو: stan.kz
استاناداعى قىلمىستىق ٸستەر بويىنشا اۋدانارالىق ەسكەري سوتىندا 19 جاستاعى سارباز مارات بارقۇلوۆتىڭ ٶلٸمٸنە قاتىستى سوت وتىرىسى جالعاسىپ جاتىر. سوتتا كۋەگەرلەر وقيعانىڭ قالاي بولعانىن بايانداپ بەردٸ. بۇل تۋرالى Ult.kz, Stan.kz اقپارات اگەنتتٸگٸنە سٸلتەمە جاساپ حابارلايدى.
اتالعان ٸس بويىنشا "باتىس" ايماقتىق قولباسشىلىعى, 25744 ەسكەري بٶلٸمٸنٸڭ بۇرىنعى ۆزۆود كومانديرٸ, لەيتەنانت دامير دوسوۆ كٷدٸكتٸ دەپ تانىلعان. سوت وتىرىسىندا وقيعا بولعان "ويماشا" پوليگونىنداعى ساربازدار مەن ەسكەريلەر ٸستٸڭ مەن-جايىن ايتىپ بەردٸ.
سارباز ماحسىم دانگاروۆ سوت وتىرىسىندا وق اتىلعان سەت جايلى باياندادى. سٶزٸنشە, كٷدٸكتٸ دەپ تانىلعان دوسوۆ شاتىرعا كٸرٸپ, ٸشتە بولعان ساربازدارعا تاپانشا كەزەگەن.
"مەن لەيتەنانت دوسوۆتان قارىنداسىما قوڭىراۋ شالۋ ٷشٸن تەلەفون سۇرادىم. سوسىن بارقۇلوۆ تا 10-15 مينۋتتان كەيٸن قوڭىراۋ شالىپ الۋ ٷشٸن تەلەفون سۇرادى. مارات بالا كٷنگٸ دوسى دانيلگە بەينەقوڭىراۋ ارقىلى حابارلاسقان. شامامەن 5 مينۋتتاي سٶيلەستٸ. سول سەتتە دوسوۆ شاتىرعا كٸرٸپ كەلدٸ دە, بٸزدٸ بالاعاتتاپ, بەرٸمٸزگە تاپانشا كەزەدٸ. كەيٸن تاپانشانى تٶمەن تٷسٸرٸپ, وقتاپ, اتىپ جٸبەرگەندە بارقۇلوۆ قۇلاپ تٷستٸ. مەن ەسەڭگٸرەپ قالدىم, العاشقى كٶمەك كٶرسەتۋگە شامام بولمادى. جەدەل جەردەم كەلگەن سوڭ تامىر سوعىسى جوق ەكەنٸن ايتتى", – دەدٸ دانگاروۆ.
سوتتا جاۋاپ بەرگەن ٶزگە كۋەگەرلەر دە وقيعا بولعانعا دەيٸن كٷدٸكتٸ دوسوۆتىڭ ٶزگەلەرگە تاپانشا كەزەگەنٸن جەتكٸزدٸ.
"مەن سول كٷنٸ كەزەكشٸلٸكتەن شىققانمىن. كەزەكشٸلەردٸڭ شاتىرىندا جاتقان كەزدە دوسوۆ ماعان كەلٸپ, بەتٸمە كٷلە قاراپ تاپانشانى باسىما كەزەدٸ. بۇعان دەيٸن نۇسقاۋلىق كەزٸندە تاپانشاعا وق سالىنعانىن كٶرگەنمٸن. سوندىقتان ابايسىزدا اتىلىپ كەتە مە دەپ قورقىپ, شاتىردان جٷگٸرٸپ شىعىپ كەتتٸم. 10-15 مينۋتتان كەيٸن وق اتىلعانىن ەستٸدٸم. وقيعا بولعان شاتىرعا كەلگەنٸمدە جەردە ساربازدىڭ جاتقانىن, ال جانىندا دوسوۆتىڭ وتىرعانىن كٶردٸم", – دەدٸ ەرجان بالتاباەۆ.
ال كەلەسٸ كۋەگەر بەكزات جاكەن دە نۇسقاۋلىق اياقتالعان سوڭ 7 قىركٷيەك كٷنٸ دوسوۆتىڭ تاپانشا كەزەگٸنەن مەلٸمدەدٸ.
"ساعات 16:00 شاماسىندا نۇسقاۋلىق بولدى. مايور مايليەۆ نۇسقاۋلىق جٷرگٸزدٸ, ول جەردە دامير دوسوۆ, مەن, سوڭعى كەزەكشٸلەر بولدى. دوسوۆقا تاپانشامەن كەزەكشٸلٸككە تٷسەتٸنٸن, ويناۋعا بولمايتىنىن ايتتى. بۇدان كەيٸن بٸز شىعىپ كەتكەنبٸز. شاتىردا بولعاندا دوسوۆ مەنٸڭ بەتٸمە تاپانشانى قاراتتى, "مەن نە ٸستەپ جاتىرسىڭ?" دەپ, ٷستەلگە قاراي شەگٸندٸم.
دوسوۆ شاتىردان شىعىپ كەتكەننەن كەيٸن مەن دە سىرتقا شىقتىم. از ۋاقىت ٶتكەن سوڭ وق اتىلعان داۋسىن ەستٸدٸم. ٸشكە كٸرگەنٸمدە بارقۇلوۆتىڭ جەردە جاتقانىن كٶردٸم, دوسوۆ وياتا الماي وتىردى. بەتٸ قان. "تٸرٸ مە?" دەپ سۇراعاندا "تٸرٸ" دەپ ايتتى", – دەدٸ كۋەگەر. اقپاراتتى سەل ٶزگەرت
