«Qazaqstan temir joly» UQ» basqarma tóraǵasy
Qanat Qaliuly Alpysbaev myrzaǵa
MAŃǴYSTAÝDA «MANGYShLAK» DEGEN JER BAR MA?
Mańǵystaý oblysy, Mańǵystaý kentindegi «Mańǵystaý» Temir jol stantsiiasynyń poezd toqtaityn alańynda turmyn. Aldyma kelip «ASTANA – MAŃǴYSTAÝ» jolaýshy poezy kelip toqtady. Jolaýshy vagonynyń qaq ortasynda «M A Ń Ǵ Y S T A Ý» degen úlken áriptermen jazylǵan ádemi jazý vagonǵa sán berýmen qatar osy pozd ataýyn aiqyndap-aq tur. Ishim jylyp sala berdi.
Alaida vagondar qarsy aldyma kelip toqtaǵanda, kóterińki kóńilim sý sepkendei basyldy. Sebebi, sol vagondardyń syrtynda «MAŃǴYSTAÝ» degen ataýdan bólek «Mangyshlak - Astana» jáne taǵy bir jerinde «Mankishlak» dep ózge eldiń tilinde jazylǵan ár túrli jazbalar boldy.
Oblysymyzdyń ataýy Mańǵystaý, sol poezdar kelip toqtaityn eldi mekenniń ataýy Mańǵystaý, poezdyń ataýy Mańǵystaý. Sonda myna ózge eldiń tilindegi «Kishlak» sózi bul poezda «ne bitirip tur?» degen suraq óz-týyndap turǵan joq pa?
Tiisti sharasyn alýyńyzdy ótinemin!
Qojyrbaiuly Muhambetkárim, Mańǵystaý
