Mańǵystaýda zańsyz aýlanǵan 118 keli bekire balyǵy tárkilendi, dep habarlaidy QazAqparat.
Mańǵystaý oblystyq politsiia departamentiniń baspasóz qyzmeti habarlaýynsha, Túpqaraǵan aýdanynyń eki turǵynyna qatysty qylmystyq is qozǵaldy. Jedel-izdestirý is-sharalary barysynda patrýldik politsiia qyzmetkerleri «Aqtaý-Aqshuqyr» avtojolynyń 19 shaqyrymynda «Chevrolet Lacetti» markaly avtokóligimen bekire tuqymdas balyq tasymaldaǵan 34 jastaǵy er adamdy ustady. Bekire balyǵynyń jalpy salmaǵy 67 keli.
Sol kúni tabiǵat qorǵaý politsiiasynyń qyzmetkerleri zańsyz aýlanǵan bekire balyǵyn Túpqaraǵan aýdanynyń taǵy bir turǵynynan tárkiledi.
«Kúdiktiniń úiin tintý kezinde politsiia turǵynnyń saraiynan jalpy salmaǵy 51 keli bolatyn 15 dana bekire tuqymdas balyǵyn muzdatqyshty tapty», - dep habarlady oblystyq politsiia departamenti.
Eki derek boiynsha QR QK 339-babynyń 1-bóligi (sirek kezdesetin jáne Quryp ketý qaýpi tóngen, sondai-aq paidalanýǵa tyiym salynǵan ósimdikter men janýarlar túrlerin, olardyń bólikterin nemese derivattaryn zańsyz paidalaný) boiynsha sotqa deiingi tergeý bastaldy.
