ماڭعىستاۋدا زاڭسىز اۋلانعان 118 كەلٸ بەكٸرە بالىعى تەركٸلەندٸ, دەپ حابارلايدى قازاقپارات.
ماڭعىستاۋ وبلىستىق پوليتسييا دەپارتامەنتٸنٸڭ باسپاسٶز قىزمەتٸ حابارلاۋىنشا, تٷپقاراعان اۋدانىنىڭ ەكٸ تۇرعىنىنا قاتىستى قىلمىستىق ٸس قوزعالدى. جەدەل-ٸزدەستٸرۋ ٸس-شارالارى بارىسىندا پاترۋلدٸك پوليتسييا قىزمەتكەرلەرٸ «اقتاۋ-اقشۇقىر» اۆتوجولىنىڭ 19 شاقىرىمىندا «Chevrolet Lacetti» ماركالى اۆتوكٶلٸگٸمەن بەكٸرە تۇقىمداس بالىق تاسىمالداعان 34 جاستاعى ەر ادامدى ۇستادى. بەكٸرە بالىعىنىڭ جالپى سالماعى 67 كەلٸ.
سول كٷنٸ تابيعات قورعاۋ پوليتسيياسىنىڭ قىزمەتكەرلەرٸ زاڭسىز اۋلانعان بەكٸرە بالىعىن تٷپقاراعان اۋدانىنىڭ تاعى بٸر تۇرعىنىنان تەركٸلەدٸ.
«كٷدٸكتٸنٸڭ ٷيٸن تٸنتۋ كەزٸندە پوليتسييا تۇرعىننىڭ سارايىنان جالپى سالماعى 51 كەلٸ بولاتىن 15 دانا بەكٸرە تۇقىمداس بالىعىن مۇزداتقىشتى تاپتى», - دەپ حابارلادى وبلىستىق پوليتسييا دەپارتامەنتٸ.
ەكٸ دەرەك بويىنشا قر قك 339-بابىنىڭ 1-بٶلٸگٸ (سيرەك كەزدەسەتٸن جەنە قۇرىپ كەتۋ قاۋپٸ تٶنگەن, سونداي-اق پايدالانۋعا تىيىم سالىنعان ٶسٸمدٸكتەر مەن جانۋارلار تٷرلەرٸن, ولاردىڭ بٶلٸكتەرٸن نەمەسە دەريۆاتتارىن زاڭسىز پايدالانۋ) بويىنشا سوتقا دەيٸنگٸ تەرگەۋ باستالدى.
