Mańǵystaý oblysynda búginge deiin 125 meditsina qyzmetkeri vaktsina aldy, dep habarlaidy "Ult aqparat" oblystyq sanitariialyq-epidemiologiialyq baqylaý departamentiniń basshysy Ǵaziz Nadýevke silteme jasap.
Onyń aitýynsha, óńirde koronavirýsqa qarsy vaktsinatsiia ótken aptada bastaldy. «Spýtnik – V» vaktsinatsiiasy immýndaý №2 Aqtaý qalalyq emhanasynda júrgizildi.
Búginge deiin 125 meditsina qyzmetkeri ekpe aldy.
Vaktsinadan keiingi asqynýlar men reaktsiialar tirkelgen joq. Ári qarai vaktsinatsiialanǵan adam meditsinalyq baqylaýda bolady.
Epidemiologiialyq taldaý qorytyndysy boiynsha infektsiiaǵa shaldyqqandardyń 50%-dan astamy KVI indetin juqtyrǵandarmen tyǵyz qarym-qatynasta bolǵan.
2021 jyldyń 1 qańtarynan beri oqýshylar arasynda koronavirýs infektsiiasynyń 66 jaǵdaiy tirkeldi.
Onyń ishinde offlain - 29, onlain ádispen - 37.
«Jalpy oblys boiynsha 155 753 oqýshy bar. 1 qańtardan osy kúnge deiin 82413 oqýshy offlain, 73340 oqýshy onlain ádispen oqidy. Mektep-internat boiynsha 2329 oqýshy. Aqtaý qalasy boiynsha mektepke deiingi 3 mekemede koronavirýs infektsiiasynyń jaǵdailary anyqtalyp otyr», - deidi Ǵaziz Nadýev.
