Qaraqal men dala mysyǵynyń sýretterin «Qarasai» memlekettik aimaqtyq tabiǵi saiabaǵynyń inspektorlary bólisti, dep habarlaidy QazAqparat lada.kz saityna silteme jasap.
Qoryq aýmaǵynda júrgizilgen reid jumystarynyń barysynda sirek kezdesetin jabaiy mysyq - qaraqal baiqalǵan.
Oblystyq aimaqtyq inspektsiia qaraqaldyń túrki tilinen «qaraqulaq» dep aýdarylatynyn túsindirdi.
«Bul - mysyqtuqymdastarǵa jatatyn sútqorekti janýar. Qaraqaldy uzaq ýaqyt boiy ózi uqsas sileýsinderge jatqyzdy, alaida birqatar genetikalyq erekshelikterine bailanysty keiin jeke túr bolyp ajyratylǵan. Ol kóbine shól dalany mekendeidi. TMD aýmaǵynda sany az, Qyzyl kitapqa engizilgen», - dep atap ótti mamandar.
Elimizde qaraqal Kaspii teńiziniń jaǵalaýynda kezdesedi.
Janýar kóbine túnde shyǵady, biraq qysta jáne kóktemde ony kúndiz de kezdestirýge bolady. Mańǵystaý oblysynyń aýmaǵynda shamamen 300-400 qaraqal bar.
Oblystyq aýmaqtyq inspektsiiadan túsindirip ótkendei, ekinshi sýretke mysyqtuqymdastar ishinde kishkentai mysyqtardyń jabaiy ókili - dala mysyǵy túsip qalǵan.
Bul túr Qyzyl kitapqa engizilgen joq.
