قاراقال مەن دالا مىسىعىنىڭ سۋرەتتەرٸن «قاراساي» مەملەكەتتٸك ايماقتىق تابيعي ساياباعىنىڭ ينسپەكتورلارى بٶلٸستٸ, دەپ حابارلايدى قازاقپارات lada.kz سايتىنا سٸلتەمە جاساپ.
قورىق اۋماعىندا جٷرگٸزٸلگەن رەيد جۇمىستارىنىڭ بارىسىندا سيرەك كەزدەسەتٸن جابايى مىسىق - قاراقال بايقالعان.
وبلىستىق ايماقتىق ينسپەكتسييا قاراقالدىڭ تٷركٸ تٸلٸنەن «قاراقۇلاق» دەپ اۋدارىلاتىنىن تٷسٸندٸردٸ.
«بۇل - مىسىقتۇقىمداستارعا جاتاتىن سٷتقورەكتٸ جانۋار. قاراقالدى ۇزاق ۋاقىت بويى ٶزٸ ۇقساس سٸلەۋسٸندەرگە جاتقىزدى, الايدا بٸرقاتار گەنەتيكالىق ەرەكشەلٸكتەرٸنە بايلانىستى كەيٸن جەكە تٷر بولىپ اجىراتىلعان. ول كٶبٸنە شٶل دالانى مەكەندەيدٸ. تمد اۋماعىندا سانى از, قىزىل كٸتاپقا ەنگٸزٸلگەن», - دەپ اتاپ ٶتتٸ ماماندار.
ەلٸمٸزدە قاراقال كاسپيي تەڭٸزٸنٸڭ جاعالاۋىندا كەزدەسەدٸ.
جانۋار كٶبٸنە تٷندە شىعادى, بٸراق قىستا جەنە كٶكتەمدە ونى كٷندٸز دە كەزدەستٸرۋگە بولادى. ماڭعىستاۋ وبلىسىنىڭ اۋماعىندا شامامەن 300-400 قاراقال بار.
وبلىستىق اۋماقتىق ينسپەكتسييادان تٷسٸندٸرٸپ ٶتكەندەي, ەكٸنشٸ سۋرەتكە مىسىقتۇقىمداستار ٸشٸندە كٸشكەنتاي مىسىقتاردىڭ جابايى ٶكٸلٸ - دالا مىسىعى تٷسٸپ قالعان.
بۇل تٷر قىزىل كٸتاپقا ەنگٸزٸلگەن جوق.
