Mańǵystaýlyq politseiler áleýmettik jelide videosy tarap ketken it talasyn uiymdastyrýshylardy tapty, dep habarlaidy "Ult aqparat".
Mańǵystaý oblysy Politsiia departamenti baspasóz qyzmetiniń habarlaýynsha, ol Jańaózen qalasynyń turǵyny bolyp shyqty.
«17 qazanda ol Munaily aýdanynyń Batyr aýylynda it talastyrý týrnirin uiymdastyryp, oǵan barlyq tanysyn jinaǵan. Kelesi kúni uiymdastyrýshy it talasynyń videosyn áleýmettik jelige jariialady. Ol QR ÁQBtK-niń 425-baby 1-bóligi boiynsha karantin rejimin saqtaý erejesin buzǵany úshin ákimshilik jaýapkershilikke tartyldy. Material sheshim shyǵarý úshin Munaily aýdanynyń taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy», - delingen habarlamada.
Sodai-aq, atalǵan azamat QR ÁQBtK-niń 408-babynyń 1-bóligimen (Aýyl sharýashylyǵy janýarlaryn jaiý qaǵidalaryn, itter men mysyqtardy asyraý jáne serýendetý qaǵidalaryn, qańǵybas itter men mysyqtardy aýlaý jáne joiý qaǵidalaryn buzý) jaýapkershilikke tartyldy.
«Mańǵystaýda jappai is-sharalar uiymdastyrýǵa, ásirese janýarlarǵa qatygezdikpen qaraýǵa tyiym salynǵan jáne azamattardy karantin rejimin saqtaýǵa shaqyramyn», - dedi Mańǵystaý oblystyq politsiia basshysy Janarbek Baqtybaev.
