Mańǵystaý oblysyna jasaǵan jumys sapary barysynda Densaýlyq saqtaý vitse-ministri Ajar Ǵiniiat Aqtaý qalasyndaǵy eki meditsinalyq nysanda boldy, dep habarlaidy "Ult aqparat".
Vitse-ministr Mańǵystaý oblysy ákiminiń orynbasary Gúlmira Qalmuratova jáne oblystyq densaýlyq saqtaý basqarmasy basshysynyń orynbasary Amanbek Jumyrovpen birge koronavirýs juqtyrǵan naýqastarǵa emdeýge arnalǵan modýldik statsionarda jáne oblystyq «Ana men bala» perinataldyq ortalyǵyna bardy.
Mańǵystaý oblystyq aýrýhanasynyń janyndaǵy infektsiialyq bólimshesi 480 tósek orynǵa eseptelgen. Onyń ishinde 40 tósek oryn jańsaqtaý bólimine túsetin naýqastarǵa arnalǵan. Qazirgi ýaqytta munda 294 naýqas em qabyldap jatyr. Onyń 239 koronavirýs infektsiiasyn juqtyrǵandar, 139 er adam bolsa, 155 áiel adam. 266 naýqastyń jaǵdaiy ortasha dárejede aýyr dep baǵalansa, 12 naýqastyń jaǵdaiy aýyr, 16 naýqas óte aýyr jaǵdaida. Budan bólek 28 adam naýqas jańsaqtaý bólimshesinde.
Ajar Ǵiniiat barǵan taǵy bir meditsinalyq mekeme oblystyq «Ana men bala» ortalyǵy boldy. Atalmysh mekemeniń direktory Japyraq Epenovanyń aitýynsha, Mańǵystaý oblystyq densaýlyq saqtaý basqarmasynyń shyǵarǵan buiryǵyna sáikes ústimizdegi jyldyń 17 shildesinen 50 infektsiialyq jáne jasaqtaý tósek oryndary daiarlanǵan. Qazirgi ýaqytta infektsiialyq bólimshede 57 áiel jatyr, onyń 8 jasaqtaý bólimshesinde tynys alý apparatyna qosylǵan. Sol 57 áieldiń 39 júkti, qalǵan 18 bosanǵandar.
