Mańǵystaýda kólik túiemen soqtyǵysyp, bir adam qaza tapty, dep habarlaidy QazAqparat.
Qaiǵyly oqiǵa «Beineý-Boranqul» tasjolynda bolǵan. Oblystyq Politsiia departamentiniń baspasóz qyzmetiniń habarlaýynsha, 17 qazan kúni saǵat 00:30 shamasynda Beineý politsiia bólimine «Beineý-Boranqul» tasjolyndaǵy jol-kólik oqiǵasy týraly habarlama kelip túsken.
1949 jyly týǵan júrgizýshi «GAZ-3110» avtokóligimen kele jatyp, jolǵa atyp shyqqan túieni qaǵyp ketken.
«Nátijesinde bir jolaýshy jaraqat alǵan. Ókinishke qarai, ol oqiǵa ornynda qaitys bolǵan», - delingen baspasóz habarlamasynda.
Politseiler jol kólik oqiǵasyna sebepshi bolǵan túiege jaryq beretin lenta jáne qulaǵyna syrǵasy taǵylmaǵanyn anyqtady.
Sotqa deiingi tergeý barysynda jol-kólik oqiǵasynyń barlyq mán-jailary anyqtalýda. Qajetti saraptamalar taǵaiyndaldy.
