Aqtaý qalasynda 4 keliden astam gashish esirtkisi tárkilenip, esirtkini jetkizýdiń turaqty arnasy joiyldy, dep habarlaidy ult.kz.
Polisia.kz jazýynsha, Mańǵystaý oblysy aýmaǵynda júrgizilgen jedel-izdestirý sharalary barysynda elimizdiń ońtústik óńirlerinen kannabis tobyna jatatyn asa iri kólemdegi esirtkini jetkizý arnasy anyqtalǵan.
Ishki ister ministrliginiń Qazaqstan Respýblikasy Ishki ister ministrligi esirtki qylmysyna qarsy is-qimyl qyzmetkerleri mamyr aiynyń sońynda Aqtaý qalasynda kúdikti er adamdy ustaǵan.
Tintý kezinde gashish salynǵan tórt paket tárkilenip, saraptama qorytyndysy olardyń jalpy salmaǵy 4 keliden asatynyn rastady.
Atalǵan derek boiynsha Qylmystyq kodekstiń 296-baby 4-bóligimen sotqa deiingi tergeý bastaldy. Kúdikti ýaqytsha ustaý izoliatoryna qamalǵan.
Vedomstvo ókilderi esirtkiniń zańsyz ainalymyna qatysty kez kelgen quqyq buzýshylyqqa zań aiasynda qatań shara qoldanylatynyn eskertti.
