QR QM Qarjy monitoringi komitetiniń Mańǵystaý oblysy boiynsha Ekonomikalyq tergeý departamenti zańdy jáne jeke tulǵalar tobyna qatysty asa iri kólemde salyq tóleýden jaltarýdyń eki faktisi boiynsha sotqa deiingi tergeý isin aiaqtady, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Birinshi jaǵdaida «SpetsKomýnStroi KZ» JShS 2014-2018 jyldar aralyǵynda seriktestiktiń shyǵys bóligin jabý úshin jalǵan jetkizýshilerden - «Rinat Aktaý» JShS, «Bori Aktaý» JShS jumystardy oryndamai, qyzmetterdi kórsetpei jáne taýarlardy jetkizbei shot-faktýralardy alǵan. Bul rette, Mańǵystaý oblysynyń MAES sheshimimen atalǵan kásiporyndar arasyndaǵy mámileler zańsyz dep tanyldy.
Qujattyq salyq tekserisiniń aktisine sáikes «SpetsKomýnStroi KZ» JShS jaltarǵan soma 163 mln. teńgeden asty. Munaily aýdandyq sotynyń úkimimen kásiporyn basshysy QR QK 245-b. 2-b. 1-t. boiynsha aiypty dep tanylyp, oǵan bir jylǵa bas bostantyǵyn shekteý jazasy taǵaiyndaldy.
Ekinshi derek boiynsha basqa kásiporynnyń basshysy 2013-2017 jyldar aralyǵynda dál solai seriktestiktiń shyǵys bóligin jabý úshin jalǵan tulǵaǵa tirkelgen jalǵan jetkizýshiden 5 milliard teńge somasyna jalǵan shot-faktýralardy alǵany anyqtaldy. Iaǵni, kásiporyn 2 milliard 225 million teńge somasyna salyq tóleýden jaltarǵan. Aqtaý qalasynyń mamandandyrylǵan tergeý sotynyń sanktsiiasy boiynsha is figýranttarynyń biriniń jyljylmaityn múlkine 2 milliardan astam teńge somasyna tyiym salyndy.
Qazirgi tańda QR QK 245-b. 3-t. boiynsha qylmystyq is Jańaózen qalalyq sotynda qarastyrylý kezeńinde.
