kollaj: Tengrinews.kz
Munaily aýdanyna qarasty Qyzyltóbe jáne Dáýlet aýyldarynyń turǵyndary sheneýnikter kómeginen úmit úzip, joldy ózderi jóndeýdi uiǵarǵan, - dep habarlaidy Tengrinews.kz tilshisi Lada.kz saityna silteme jasap.
Munaily aýdanyndaǵy Qyzyltóbe men Dáýlet degen eki aýyldy bailanystyratyn joldyń bir bóligi áldeqashan jaramsyz bolyp qalǵan. Jyl basynan beri turǵyndar jergilikti ákimshilikke qaita-qaita júgingenimen, nátije shyqpaǵan.
Osylaisha turǵyndar óz qarajatyna jol jóndeý jumystaryn júrgizýdi uiǵarǵan. Olar 280 myń teńge aqsha jinap, oǵan asfalt satyp alyp, arnaiy tehnika jaldap, 20 metrge jýyq jolǵa asfalt tósegen.
Aýdan ákimdigi jol jóndeý jumystary josparlanǵanyn habarlady.
"Aýdandyq joldardyń 91 shaqyrymyn kúrdeli jóndeý josparlanǵan. Merdiger kompaniiamen 21 million teńgege kelisim jasalady. Qazirgi ýaqytta jobalyq-smetalyq qujattary tolyǵymen daiyndalyp, memlekettik saraptamadan ótip jatyr. Ol aiaqtalǵan soń qarjy alamyz, odan keiin jóndeý jumystary bastalady", - dedi aýdan ákimdigi ókilderi.
