Mańǵystaý oblysynyń ákimi Serikbai Trumov jýrnalisterge arnalǵan baspasóz máslhatynda koronavirýs infektsiiasynyń yqtimal ekinshi tolqynyna belsendi daiyndyq barysynda aimaqtaǵy meditsinalyq uiymdarda materialdyq-tehnikalyq bazalardyń barynsha jasaqtalǵanyn aitty, dep habarlaidy "Ult aqparat".
Pandemiianyń ekinshi tolqynyna daiyndyq barysynda sońǵy úlgidegi 200 tósek orynmen jabdyqtalǵan modýldik statsionar ashyldy. Qosymsha 11 infektsiialyq statsionar tolyǵymen jabdyqtalyp, rezervte daiyn tur. Onda 2 452 infektsiialyq jáne 131 reanimatsiia tósek-oryny bar. 7 kompiýterlik jáne 4 magnittik-rezonansty tomograf alyndy. 2 jyljymaly meditsinalyq keshen, 1 kóshpeli zerthana bar.
«Meditsina uiymdary 260 ÓJJ apparatymen jáne 638 ottegi kontsentratorymen tolyqtai qamtyldy. Eń bastysy oblystaǵy jedel-járdem avto parki 100 paiyz jańaryp, 85 sanitarlyq kólikpen tolyqty. Qazir Mańǵystaýda jaǵdai turaqty. «Jasyl» aimaqtamyz. Indet juqtyrýshylardyń sanyn arttyrmai, jaǵdaidy barynsha baqylaýda ustap otyrmyz. Ol úshin oblys kóleminde arnaiy monitoring toptary qurylyp, tamyz aiynan beri 800-ge jýyq reid sharalary uiymdastyryldy. Osyndai qatań karantin sharalarynyń arqasynda óńirdegi jaǵdai baqylaýda», - dedi oblys ákimi Trumov.
