ماڭعىستاۋ وبلىسىنىڭ ەكٸمٸ سەرٸكباي ترۇموۆ جۋرناليستەرگە ارنالعان باسپاسٶز مەسلحاتىندا كوروناۆيرۋس ينفەكتسيياسىنىڭ ىقتيمال ەكٸنشٸ تولقىنىنا بەلسەندٸ دايىندىق بارىسىندا ايماقتاعى مەديتسينالىق ۇيىمداردا ماتەريالدىق-تەحنيكالىق بازالاردىڭ بارىنشا جاساقتالعانىن ايتتى, دەپ حابارلايدى "ۇلت اقپارات".
پاندەمييانىڭ ەكٸنشٸ تولقىنىنا دايىندىق بارىسىندا سوڭعى ٷلگٸدەگٸ 200 تٶسەك ورىنمەن جابدىقتالعان مودۋلدٸك ستاتسيونار اشىلدى. قوسىمشا 11 ينفەكتسييالىق ستاتسيونار تولىعىمەن جابدىقتالىپ, رەزەرۆتە دايىن تۇر. وندا 2 452 ينفەكتسييالىق جەنە 131 رەانيماتسييا تٶسەك-ورىنى بار. 7 كومپيۋتەرلٸك جەنە 4 ماگنيتتٸك-رەزونانستى توموگراف الىندى. 2 جىلجىمالى مەديتسينالىق كەشەن, 1 كٶشپەلٸ زەرتحانا بار.
«مەديتسينا ۇيىمدارى 260 ٶجج اپپاراتىمەن جەنە 638 وتتەگٸ كونتسەنتراتورىمەن تولىقتاي قامتىلدى. ەڭ باستىسى وبلىستاعى جەدەل-جەردەم اۆتو پاركٸ 100 پايىز جاڭارىپ, 85 سانيتارلىق كٶلٸكپەن تولىقتى. قازٸر ماڭعىستاۋدا جاعداي تۇراقتى. «جاسىل» ايماقتامىز. ٸندەت جۇقتىرۋشىلاردىڭ سانىن ارتتىرماي, جاعدايدى بارىنشا باقىلاۋدا ۇستاپ وتىرمىز. ول ٷشٸن وبلىس كٶلەمٸندە ارنايى مونيتورينگ توپتارى قۇرىلىپ, تامىز ايىنان بەرٸ 800-گە جۋىق رەيد شارالارى ۇيىمداستىرىلدى. وسىنداي قاتاڭ كارانتين شارالارىنىڭ ارقاسىندا ٶڭٸردەگٸ جاعداي باقىلاۋدا», - دەدٸ وبلىس ەكٸمٸ ترۇموۆ.
